E prome burgemeester di Den Haag femenino, Pauline Krikke, a dicidi di tuma su retiro despues di varios scandal den su carera como alcalde di Den Haag. Esaki despues di un carera como burgemeester di Arnhem pa 12 aña y 7 aña den Amsterdam su alcaldia.

E alcalde tabata den problema ya pa algun tempo caba despues di un rapport cu a critica su falta di actuacion ora candela a cay na Scheveningen. Ademas dos di su coleganan tabata investiga pa posibel corupcion. “Mi a dicidi di haci mescos cu mi a pidi mi coleganan, pa no obstrui e pensamento riba futuro di Den Haag cu e discusion riba mi mesun futuro”.

E conseho di alcaldia (gemeenteraad) lo mester debati ainda riba e rapport, pero Krikke a indica cu ‘no ta sorpresa niun hende pa sa cu mi ta bou candela pa via di mi actuacion’. Mientrastanto wethouder Boudewijn Revis lo ta tumando over su tareanan como burgemeester.

 

LEAVE A REPLY

Please enter your comment!
Please enter your name here