(Bonaire.nu) – Diabierna, 28 di maart, un momento historico a tuma lugar na Boneiro: E prome casamento abou di awa. Na e sitio di duik Angel City, e pareha Canades Holly Brie Henderson y Derek Patrick Messner-Henning a bisa si, marcando un momento historico pa e isla.
Dos aña pasa, nan a bishita Boneiro pa prome biaha y nan a keda enamora cu e mundo vibrante abou di awa y e trankilidad di naturalesa. Nan tabata sa di biaha: si nan mester casa, lo mester ta abou di awa.
E ceremonia a ser haci pa Dennis Martinus, un oficiante di boda y buceador certifica. Danki na su combinacion di experencia y pasion unico, e boda no tabata solamente special pero tambe valido legalmente. Abou di awa, Holly y Derek a skirbi “I DO” ariba placa impermeabel. Mas despues, nan a subi pa firma e certificado di casamento, cu seis testigo oficial.
Dennis Martinus ta haci cada ceremonia di boda special. “E no tabata solamente un boda; tabata un tributo na amor, libertad, y magia di lama,” el a bisa. “Mi a oficia varios boda na sitionan extraordinario: ariba un windsurf, un boto, Seru Largu, Klein Bonaire, y hasta na Hulanda y Medellin.” E aña aki ta marca su di dies aniversario como oficiante di boda, y e boda abou di awa lo a haci su aña mas memorable.
Cu e boda special aki, Boneiro ta mustra cu e isla no ta solamente un paraiso pa buceador, pero tambe un destinacion pa pareha cu ta busca pa bisa si na un manera inolvidabel.
