Home Deporte Prome medaya pa Aruba: plata pa landado Mikel Schreuders

Prome medaya pa Aruba: plata pa landado Mikel Schreuders

276

Mikel Schreuders a logra un medaya di Plata pa Aruba den e Weganan Centro Americano y del Caribe Barranquilla 2018.

Cu su tempo marca di 49.17, Mikel Schreuders ta clasifica automaticamente cu tempo A pa e Weganan Panamericano Lima Peru 2019.

Es mas Mikel ta bira e prome landado di Aruba cu ta gana un medaya pa e deporte landamento. Nunca antes un atleta di landamento a gana un medaya den e Weganan CAC, segun informacion d Comite Olimpico Aruba.

“Cuater aña pasa na Veracruz, Allyson Ponson tabata asina serca pero ta finalisa na un di 4 lugar den e 100m estilo liber. Na banda di esaki, Mikel ta kibra e record nacional den 100m estilo liber.”

Mikel ta landa 49.80 cual tabata e di 4 miho tempo, sinembargo anochi den e final, e hoben Arubano studiando na Merca ta remata duro den e ultimo meternan pa asina finalisa na un di dos lugar bon pa e medaya di Plata, segun e comite olimpico.