Diasabra ultimo a tuma luga e su prome expo, di SKOA 2020 esaki ta un bunita iniciativa di SKOA na cuminsamento di aña di Innovacion y Enseñansa.

Aki ta unda cu 46 scol di kleuter, basis y voortgezet onderwijs a expone nan material den bunita decoracion y tur tawata cla pa brinda informacion na tur esunnan cu a bishita e Expo. E docentenan ta sumamente entusiasma y ta demostra un pasion y amor grandi pa enseñansa di nos muchanan. Esaki ta sigur un bunita iniciativa na cuminsamento di aña di Innovacion y Enseñansa

Prome Minister Evelyn Wever-Croes a bishita e Expo y a keda hopi impresiona cu e avancenan cu e scolnan na Aruba tin specialmente riba e tereno di innovacion. A tuma Prome Minister 3 ora y mey total pa bishita tur e tentnan di e 46 scolnan di SKOA na unda cu Prome Minister a trata pa combersa cu nan tur un tiki y scucha nan idea y proyectonan den enseñansa.

“Mi a keda hopi impresiona pa tur e trabou cu ta wordo haci den enseñansa, cu e poco medionan cu ta wordo poni disponibel y mi ta mas comprometi pa den e aña aki di Innovacion y Enseñansa logra e invasionnan den enseñansa cu e scolnan tanto ta pidi pe. Mi ta felicita SKOA cu e bunita iniciativa aki. El a trece scolnan hunto den un bon ambiente. E pasion di e docentenan y nan dedicacion ta hopi obvio. Den nomber di Gobierno di Aruba mi ta gradici SKOA y tur docente pa nan amor pa enseñansa y pa e muchanan. Cu e expo aki, SKOA a demostra cuanto diferente opcion tin pa enseñansa di nos muchanan”, Prome Minister a expresa.

Retonan ta grandi pero logronan tambe ta hopi grandi. Pabien SKOA cu e iniciativa aki. Danki na tur maestro di Aruba pa e amor y dedicacion na nos enseñansa y nos muchanan. Pabien na tur scolnan cu a participa na SKOA Expo 2020, un tremendo evento den cual tur 46 scol di SKOA a reuni.

 

LEAVE A REPLY

Please enter your comment!
Please enter your name here