Prome Minister Evelyn Wever-Croes diaranson mainta a reuni cu Conseho Consultativo, Raad van Advies. Ta trahando riba cambionan necesario pa duna mas posibilidad y independencia na e instituto aki pa garantisa democracia firme.

Raad van Advies ta e organo consultativo cu ta duna Gobierno conseho riba tur ley cu Gobierno kier cambia y e ta un di e colegionan halto di estado, cu ta importante pa fortifica nos democracia. Segun un comunicado di prensa, Gobierno ta trahando pa fortifica e instituto aki y duna e instituto mas independencia pa nan por haci e tarea di control y conseho pa garantisa ‘checks and balances’ den nos pais.

Wever-Croes a indica cu esaki ta tambe e motibo pa cual el a institui e comision ‘Commissie Versterking Democratisch Bestel’ cu ta haciendo e cambionan necesario pa asina tur e colegionan halto di estado por tin mas posibilidad y mas independencia pa haci e control di maneho di Gobierno. Esaki, Wever-Croes ta enfatisa, ta e unico garantia pa un democracia firme den nos pais.

 

LEAVE A REPLY

Please enter your comment!
Please enter your name here