Minister Plenipotenciario Guillfred Besaril a bin ricibi prome minister Evelyn Wever-Croes na su yegada na Hulanda. Ta pa prome biaha cu sra. Wever-Croes ta haci un bishita oficial na Hulanda como prome minister di Aruba
E siman aki e lo hiba diferente combersacionnan cu mandatarionan Hulandes, manera premier di Hulanda Mark Rutte, minister pa Asuntonan di Exterior Stef Blok y secretario di Estado pa Asuntonan di Reino Raymond Knops. Tambe premier Wever-Croes lo reuni cu vice-presidente di Raad van State Piet Hein Donner.
Diaranson awor e prome minister lo tin un audiencia cerca Rey Willem Alexander.
E bishita di trabao aki ta brinda e oportunidad pa lansa e projecto districto 297 na Hulanda. Tambe e prome mandatario lo tene un charla pa Genootschap Nederland Aruba, cual encuentro lo ta na centro di prensa Nieuwspoort na Den Haag.
ambe na aeropuerto Schiphol tabata presente representante di Aruba na Union Europeo Eddy Paris y director a.i. di Arubahuis Glenn Ling.
