(AP) — E prome minister di Francia Sebastien Lecornu a renuncia despues di menos cu un luna den gobernacion dialuna y menos cu 24 ora despues di a nombra un gobierno nobo cu a causa un aliado clave di coalicion pa retira apoyo.
E movemento a profundisa e crisis politico di e pais y a laga presidente Emmanuel Macron cu poco opcion.
E presidencia a bisa cu Macron, kende tabatin record di mas abao den encuesta di opinion, a acepta e renuncia.
Lecornu a reeamplasa su predecesor, François Bayrou, dia 9 di september pa bira e di cuatro prome minister di Francia den apenas un aña durante un periodo prolonga di instabilidad politico. Lecornu awor ta e prome minister cu menos servicio den e historia di e Di Cinco Republica, cu a cuminsa na 1958.
Politica Frances tabata den desorganisacion desde cu Macron a yama pa un eleccion legislativo tempran aña pasa cu a produci un Asamblea Nacional profundamente fragmenta. Legisladornan ultra-drecha y di iskierdista tin mas cu 320 asiento den parlamento, mientras e centristanan y conservadornan alia tin 210, sin ningun partido tin un mayoria general.
Apoyo perdi
A pesar di mas cu tres siman di esfuersonan pa sigura suficiente apoyo pa evita un votacion di desconfiansa, Lecornu a ser forsa pa sali apenas algun ora despues di forma su Gabinete diadomingo, despues di a perde e apoyo di conservadornan cu tin 50 asiento y cu a rechasa su escogencia pa minister di Defensa.
E gobierno di Lecornu lo maneha asuntonan diario te cu un prome minister y Gabinete nobo ser nombra. Ta keda awo na Macron sea pa nombra un cabes nobo di gobierno of pa disolve e Asamblea Nacional y yama pa un eleccion legislativo tempran.
E oficina di Macron a anuncia dialuna anochi cu el a pidi Lecornu pa tene mas “negociacion final” durante e siguiente dos dia den e interes di stabilidad nacional — sugeriendo un oportunidad potencial di un segunda chance pa Lecornu keda y purba forma un gobierno nobo. E declaracion corto no a duna detaye adicional.
Lecornu, un aliado fiel di Macron, a responde cu el a corda pa tene discusionnan final cu forsanan politico “pa e stabilidad di e pais” y cu e lo bisa diaranson anochi “si ta posibel of no pa e saca tur conclusionnan necesario.”
Lecornu a bisa antes cu condicionnan no a ser cumpli pa keda na e funcion despues di no por a construi un consenso.
El a bisa cu e tabata kere cu e gobierno nobo lo por a tin exito cu simplemente un tiki mas trabao y si e partnernan di coalicion tabatin solamente un tiki mas “sin interes propio,” den un comentario aparentemente dirigi na Bruno Retailleau, e cabes di e conservadornan.
“Un mester semper pone su pais prome cu su partido,” Lecornu a bisa.
Macron e blanco principal
Cu menos cu dos aña prome cu e siguiente eleccion presidencial, e opositornan di MacArthur a purba pa inmediatamente capitalisa riba e renuncia, unda e National Rally di e banda ultra-derecha a haci yamando pa sea un otro eleccion parlamentario tempran of renuncia.
“Esaki ta lanta un pregunta pa e presidente di e Republica: e por sigui resisti e disolucion di e legislatura? Nos a yega na e fin di caminda,” e lider ultra-derecha Marine Le Pen a bisa. “No tin otro solucion. E unico curso di accion sabi den e circunstancianan aki ta pa bolbe na votacion.”
Riba e ultra-iskierdista, France Unbowed tambe a pidi pa e salida di Macron, mientras bosnan n’e banda iskierda a haci yamado pa e rebibamento di un coalicion forma di iskierdistanan, socialistanan, ambientalistanan y comunistanan.
E renuncia a preocupa inversionista, causando e indice CAC-40 di companianan Frances pa baha. E indice a cay pa casi 2% como resultado di e renuncia prome cu a recupera algun di e perdida mas despues.
Ministernan nombra so e anochi anterior a haya nan mes den e situacion straño di bira minister interino — mantene nan puesto solamente pa maneha asuntonan diario te cu un gobierno nobo ser forma — prome cu algun di nan hasta ser formalmente instala na nan funcion.
Agnes Pannier-Runacher, e minister renombra pa Ecologia, a publica riba X: “Mi ta desespera di e circo aki.”
E metodo di Lecornu no a funciona
E escogencia di minister di Lecornu a ser critica den di e espectro politico, particularmente su decision pa trece back e ex-minister di Vivienda Bruno Le Maire pa sirbi na e ministerio di Defensa, cu criticonan bisando cu e deficit publico di Francia a subi enormemente bao di su vigilancia.
E tarea principal di Lecornu lo tabata pa pasa un presupuesto, ya cu Francia ta enfrentando un crisis di debe. Na final di e prome kwartaal di 2025, e debe publico di Francia tabata na 3,346 triyon euro of 114% di e producto interno bruto (GIP). Pago di debe ta keda un presupuesto importante, representando rond di 7% di gasto di estado.
Otro posicionnan clave a keda mayoria sin cambio for di e Gabinete anterior, unda Retailleau a keda como minister di Asunto Interior encarga cu di polis y seguridad interno, Jean-Noël Barrot a keda como minister di Asunto Exterior y Gerald Darmanin ta mantene e ministerio di husticia.
Retailleau, e cabes di e partido conservador Republicano, a bisa cu e no a sinti responsabel pa e caida di Lecornu,a pesar di a critica e composicion di e gobierno nobo.
Retailleau a culpa Lecornu pa no informa cu Le Maire lo tabata parti di e gobierno.
Le Maire a bisa cu el a ofrece Macron su retiro inmediato for di e gobierno, un proposicion cu e presidente a acepta. “Mi ta spera cu e decision aki lo permiti discusionnan pa reanuda pa forma e gobierno nobo cu Francia tin mester,” el a bisa.
Buscando consenso na e Asamblea Nacional, Lecornu a consulta cu tur forsa politico y sindicato prome cu forma su Gabinete. E tambe a priminti cu no lo emplea un poder constitucional special cu su predecesornan a usa pa forsa un presupuesto door di parlamento sin un votacion y na luga di esey lo busca compromiso cu legislador di e banda iskierda y derecha.
