(AP) — E prome minister di Ucrania a anuncia su retiro diamars den e prome paso formal di loke ta spera di ta un reorganisacion significante di e gobierno di presidente Volodymyr Zelenskyy, cu tambe por mira e embahador di e pais na Washington reemplasa.

“Mi ta ofrece mi retiro for di e puesto di Prome Minister di Ucrania,” Denys Shmyhal a skirbi den un carta publica riba su pagina di Telegram.

Zelenskyy a bisa dialuna cu el a ofrece e trabou di Shmyhal na Yuliia Svyrydenco di 39 aña, kende actualmente ta vice prome minister y e prome minister di economia femenino di e pais.

Svyrydenco a hunga un roll clave den negociacion di un acuerdo di mineral entre Merca y Ucrania. Frecuentemente el a representa Ucrania den combersacionnan di nivel halto cu partnernan Occidental, enfoca riba cooperacion di defensa, recuperacion economico y reconstruccion.

No tabata cla mesora con e ‘reshuffle’ lo bay den e proximo dianan, ya cu e parlamento di Ucrania mester programa un votacion riba e cambionan proponi pa Zelenskyy meymey di e guera total lansa pa Rusia dia 24 di februari 2022.

E reorganisacion ta cuadra cu aumento di presion riba e liña di frente door di e ehercito mas grandi di Rusia y atakenan creciente pa medio di drone y misil riba ciudadnan di Ucrania.

Presidente di Merca Donald Trump a priminti dialuna di suministra mas arma pa Ucrania, paga pa paisnan Europeo. Pero oficialnan di Kyiv ta ansioso pa cera e sosten di Washington den futuro meymey di miedo cu e administracion Republicano por distancia for di e conflicto.

“Pa nos ta hopi importante, den e contexto di loke ta pasando awor, pa fortalece lasonan cu Merca,” Zelenskyy a bisa siman pasa.

E lider Ucraniano a bisa recientemente cu e ta kere cu Shmyhal lo a bira un bon minister di Defensa — un movemento cu lo a haci e hefe di Defensa actual, Rustem Umerov, disponibel pa tuma over como e enviado di Ucrania na Washington, observadornan ta señala.

Zelenskyy anteriormente a expresa su intencion pa reemplasa e embahador di Merca Oksana Marcarova.

Umerov, di 43 aña, a keda nombra como minister di Defensa di Ucrania na september 2023, despues di un serie di scandal di corupcion. El a busca pa introduci reformanan, pero criticonan a bisa cu e ministerio di Defensa tabata plaga pa mal maneho.