Prome Minister Evelyn Wever-Croes: Pueblo ta sinti mas sigur y trankil

ORANJESTAD – Gabinete Wever-Croes desde cu a drenta gobernacion, a demostra cu e ta pone e ser humano central. Prioridad di gobernacion lo ta e siguridad y trankilidad di cada ciudadano.

Esaki ta e plan di maneho basa riba e compromiso cu lo trece progreso y bienestar pa nos pueblo cu pa e añanan anterior a sufri di un olvido pa e Gobierno anterior. Y pa sigura siguridad y trankilidad, gabinete Wever-Croes ta trahando cu un bon plan di maneho y dentro di presupuesto. Memey di tur reto, cu pasonan sigur gabinete Wever-Croes ta logra pone confiansa bek den nos pueblo pa sinti e alivio di por ta mas sigur y trankil den nan cas y riba nos isla. Nos pueblo ta realisando e cambionan den e area di siguridad compara cu añanan anterior.

Ekipo di trabou:
A reforsa nos Cuerpo Policial cu material di trabou pa optimalisa y pa asina e trabou por wordo haci mas efectivamente.

Control di nos costanan:
A bin cu control mas estricto di nos costanan pa detecta y actua mesora contra importacion ilegal di droga, arma y hende.

Helicopter y radar:
Recientemente, Aruba a haya su helicopter manera pueblo a desea pa hopi aña. E helicopter lo yuda detecta comportacionnan ilegal rond di nos isla. Pronto tambe lo bin e radar cu lo eleva e siguridad na nos costanan. Pa un isla chikito, un radar ta hopi necesario pa detecta y intercepta botonan cu pa hopi tempo tawata drenta nos isla ilegalmente. Gobierno anterior, no a mira e necesidad aki di un radar y helicopter y a elimina tur dos cu a resulta den crecemento di criminalidad y insiguridad na nos pais.

Mas polis riba caya:
A aumenta siguridad den e area turistico y comercial e turista por sinti’e mas sigur. Aki tambe e cifranan di criminalidad a baha. Ta e intencion di bin cu e proyecto di camara den e area turistico pa duna miho vigilancia. Actualmente tambe, tin mas polis riba caya cu nos por a mira den e añanan anterior.

Den un aña, y mas ainda cu e escala di criminalidad den e ultimo añanan y e reto financiero cu gabinete Wever-Croes a hereda, no ta facil pa trece ordo den un pais cu a wordo neglisha pa asina tanto aña. Pero, cu pasonan firme, gobierno di Aruba ta trahando pa asina Aruba completo sinti cada dia mas cu tin cambionan grandi y cu gabinete Wever-Croes ta poniendo ordo y siguridad bek riba nos isla.

 

You May Also Like

Candidata riba lista di ReD

Manera boso sa partido ReD Democratico e aña aki ta cumpli 14 aña di ...

‘Presupuesto supletorio mester ta un herment pa ahusta y control, no ultimo recurso ora baca a hoga’

Diaranson mainta parlamento di Aruba tabata den sesion publico pa tratamento di Presupuesto Supletorio ...

‘Maneho di klapchi no ta cos pa hunga cu ne’

Parlamentario Robert Candelaria (AVP): Ta parce cu minister Andin Bikker no kier cera aña ...

POR (NW) (2).JPG

Partido Otmar lansa como Pueblo Orguyoso y Respeta (POR)

Ayera mainta Otmar Oduber, ex minister di Turismo, Cultura y Transporte, a presenta e ...

MEP: “Famia stabiel, Aruba stabiel”

Despues di un parada forma den Paradera te yega Piedra Plat Entertainment Center diabierna ...

Mike01.jpg

“Gobierno den Green Corridor a scoge pa minimalisa daño na naturalesa”

Prome Minister Mike Eman durante e bishita na e brug nobo di Green Corridor, ...