Gobierno di Aruba a informa mediante un comunicado di prensa cu ayera a tuma lugar un video yamada, cu tabata pa haci un introduccion y ‘kennismaking’ entre Secretario di Estado Eric van der Burg (VVD) y e tres minister president di Aruba, Corsou y Sint Maarten.
Secretario di Estado Eric van der Burg ta un politico Hulandes cu a ocupa diferente posicion den gobierno nacional y municipal. El a sirbi anteriormente como Secretario di Estado den Reino Hulandes. For di 2022 te 2024 el a ocupa e posicion di Secretario di Estado pa Husticia y Seguridad, responsabel pa Asilo y Migracion.
Segun e comunicado, durante e encuentro virtual e lidernan a intercambia punto di bista riba colaboracion den marco di Reino, reto comun y oportunidad pa fortalece cooperacion entre e paisnan.
“E tono di e reunion tabata constructivo y enfoca riba dialogo continuo y respet mutuo entre e partnernan di Reino,” comunicado a indica. “Intencion ta pa pronto tin un encuentro personalmente y asina continua riba trabounan en conhunto.”
