In this photo released by NASA on Thursday, Oct. 17, 2019, U.S. astronauts Jessica Meir, left, and Christina Koch pose for a photo in the International Space Station. On Friday, Oct. 18, 2019, the two are scheduled to perform a spacewalk to replace a broken battery charger. (NASA via AP)

E prome team completamente femenino di mundo ayera a marca historia leu for di tera, den un caminata espacial pa reemplasa un parti kibra di e red electrico di Stacion Espacial Internacional (ISS).

Mientras astronautanan di NASA, Christina Koch y Jessica Meir exitosamente a completa e trabou, esaki a marca e prome biaha den casi mita siglo di caminata espacial cu hende homber no tabata forma parti di e accion. Nan a insisti cu tabata djis haciendo nan trabou despues di añanan di training, siguiendo e pasonan di muhenan kende a habri e caminda.

E prome caminante espacial femenino Mericano for di 35 aña pasa, Kathy Sullivan, tabata encanta. El a bisa cu ta bon pa finalmente tin suficiente muhe den e cuerpo di astronauta y entrena den caminata espacial pa esaki por tuma luga.

Presidente Donald Trump a yama for di Cas Blanco pa felicita pa ‘e evento historico aki… berdaderamente historico’. “Locual boso ta haci ta increibel. Boso ta hende cu hopi curashi”, Trump a bisa nan. Sinembargo, Meir a bisa cu no kier tuma demasiado credito pasobra tabatin varios caminante femenino den pasado, ta djis cu esaki tabata e prome biaha cu ambos astronauta den e caminata tabata muhe.

E trabou principal di e astronautanan durante e caminata tabata pa reemplasa un aparato regulado di carga, 19 aña bieu – tamaño di un caha grandi – pa un di e tres bateria nobo cu a ser instala siman pasa pa Koch y Andrew Morgan. Mientras e caminata espacial di shete ora tabata cabando, Control di Mision a declara exito, informando e astronautanan cu e charger nobo tabata trahando y cu e stacion tabata bek den poder completo.

Caminata espacial ta considera como e trabou mas peligroso den orbita. Astronauta Italiano, Luca Parmitano, kende a opera e brasa robotico di e stacion for di paden durante e caminata diabierna, casi a hoga na 2013 ora su helmet a yena di awa for di e sistema di fria di su trahe.

A dura dos decada pa muhenan alcansa e hombernan den arena di caminata espacial. E momento historico ayera tabata e di 421 caminata espacial pa team Tera.

 

LEAVE A REPLY

Please enter your comment!
Please enter your name here