Mientras e Landspakket di Aruba ta alcansa otro logro clave den su trayectorio pa reforma, Capitulo 13 di e agenda y rapport di implementacion di reforma, cu Aruba a acorda cu Hulanda, ta duna un bista mas amplio pa atende un serie di medida cu ta atravesa diferente sector y ta permiti avance di otro reformanan.

A diferencia di e resto di e rapport, cu ta enfoca riba sectornan specifico manera educacion, cuido di salud of impuesto, e ultimo capitulo ta trece hunto blokinan esencial: un sistema robusto di estadistica, un infrastructura legislativo mehora, miho maneho di data, marconan di proteccion di consumidor, y e modernisacion di institucionnan relaciona cu defensa. Esakinan no ta ‘footnotes’ tecnico, mas bien, nan ta e fundeshi pa capacidad y responsabilidad estatal a largo plaso, y efectividad di politica.

Sistema Nacional di Estadistica
 Den centro di e mision di Aruba pa politica basa riba evidencia tin e creacion di un Sistema Nacional di Estadistica (NSS) – un plataforma digital y organisacional cu ta bay pone estadisticanan confiable, na tempo y relevante disponible pa legisladorna, partnernan internacional, y publico en general.

Na october 2024, a entrega e legislacion pa NSS na Conseho di Minister. Pa e di tres kwartaal di 2025, ta spera cu Aruba lo a finalisa e infrastructura tecnico y e prome fase di e sistema BI (Business Intelligence), a pesar di algun atraso den entrega di componente.

E esfuerso aki no ta simplemente administrativo, tambe ta significa e cambio di Aruba pa gobernacion impulsa pa data y standardnan internacional den reportahe estadistico.

Proteccion di consumidor y prevencion di debe exagera

Un medida importante pa protege salud financiero di ciudadanonan ta e Regulacion Ministerial riba Credito di Consumidor, destina pa establece reglanan cla rond di otorgamento di prestamo monetario of basa riba producto, como tambe pandenlening. Mientras cu e regulacion ta atrasa – pendiente di evaluacion di e conseho legal di DWJZ – tabata spera cu ta bay anuncia un fecha nobo di implementacion den segundo mita di 2025.

E medida aki ta refleha un aumento di conscientisacion tocante e vulnerabilidad di consumidor den un era di inflacion y comercio digital, y e necesidad pa instrumentonan legal protectivo pa mehora resiliencia economico di hogarnan.

Introduccion di Autoridad di Wega di Placa
 Otro iniciativa emblematico ta e establecemento planea di Kansspelautoriteit (KSA), un Autoridad di Wega di Placa pa Aruba. E cuerpo independiente aki ta bay supervisa e sector di wega di placa, preveni practicanan ilegal, y reduci influencia criminal. Mientras cu e proceso ainda ta den e etapanan inicial, cu reclutamento di e Kwartiermaker KSA atrasa levemente, Aruba tin meta pa nombra miembronan di hunta y tin KSA operacional pa e di cuatro kwartaal di 2026.

E di dos capa di e reforma aki ta consisti di reforsa e rol supervisor mas amplio di KSA, incluyendo coordinacion cu e Dienst Casinowezen existente, y un enfoke riba proteccion di consumidor y adiccion na wega di placa. Letter of Intent y plan di accion pa e mandato expandi aki ta spera pa fin di 2025. Hunto, e stapnan aki ta marca un cambio di supervision fragmenta na un arkitectura regulatorio unifica den un industria economicamente sensitivo.

Harmonisacion di Privacidad di Data den Reino

Den respuesta na aumento di preocupacion rond di seguridad di data y privacidad, Aruba – hunto cu e otro paisnan den Reino Hulandes – ta trahando riba introduccion di un Ley di Reino riba Proteccion di Data Personal (Rijkswet bescherming persoonsgegevens). Capitulo 4 di e propuesta di ley ta completo, y ta spera su entrega na JVO. Un concepto di ley consolida tabata spera den e di dos kwartaal di 2025, sigui pa un implementacion comprensivo di analisis di costo den di cuatro kwartaal di 2025.

E idea di e ley ta pa harmonisa proteccion di privacidad den tur pais dentro di Reino, dunando seguridad legal, maneho moderno di data, y cumplimento cu normanan Europeo y internacional di privacidad. Esaki no ta solamente un rekisito legal, sino algo urgente pa reputacion y derechonan humano.

Marco legal pa Arumil
 Aruba tambe ta preparando un marco legal nobo pa Arumil (Arubaanse Militie) pa modernisa y profesionalisa e status di personal militar Caribense. Un grupo di trabao ya a keda estableci, y e concepto di ordenansa nacional y decreto ta den revision, incorporando feedback di Departamento di Recurso Humano. E reforma aki ta priminti di expande oportunidadnan profesional di personal di Arumil den institucionnan di seguridad nacional y defensa, asina reforsando e arkitectura di seguridad di Aruba y resiliencia regional.

Programa di Garantia di Deposito

E Programa di Garantia di Deposito (DGS) ta otro politica cu bista pa futuro inclui den e capitulo aki. Mientras cu e landsbesluit ta casi finalisa, ta depende riba amienda na otro marco regulatorio prome cu e drenta na vigor. Unabes e pasa, e fase di implementacion ta bay inclui campaña di conscientisacion y establecimento di un fundacion dedica.

Aruba ta anticipa cu e sistema aki ta bay ta operacional pa 2028.

Esaki ta un salvaguardia di proteccion esencial pa protege depositantenan chikito y fortalece e confiansa publico den sistema bancario, particularmente durante periodonan di instabilidad financiero.

Implementacion di Politica di Participacion di Dividend

Gobierno tambe a finalisa e propuesta di Politica di Participacion y Dividend, cu ta defini e relacion entre estado y su entidadnan propiedad di gobierno (NV). Aprobacion final di e gabinete nobo ta pendiente, y tabata spera implementacion pa cuminsa den di tres kwartaal di 2025. E politica aki ta bay clarifica expectativa rond di distribucion di ganashi, maneho y strategia di reinversion, y ta critico pa mehora transparencia y prestacion entre entidadnan publico.

Compas legal y base di dato online pa ley

Pa mehora calidad legislativo y preparacion di politica, Aruba ta desaroyando dos iniciativa clave.
E prome, Beleidskompas, ta ofrece oficialnan publico un guia structura – mediante ‘prompt’ y recurso – pa mehora planificacion y coherencia di politica. Implementacion ta programa pa di dos kwartaal di 2026.

E di dos, Wettenbank, ta un base di dato online pa ley. E ta programa pa lansamento den e mesun periodo, y ta bay sirbi como un archivo digital transparente pa legislacion valido na Aruba, incluyendo contexto historico y historia parlamentario – comparable na wetten.nl di Hulanda.

Ambos herment ta destina pa institucionalisa transparencia legal y profesionalismo y ta bay contribui significantemente na e modernisacion legal y administrativo di Aruba.

En conclusion, e iniciativanan den Capitulo 13 por mustra amplio y tecnico, pero hunto nan ta forma e infrastructura institucional esencial pa sostene tur otro reforma. Di estadistica confiable te modernisacion legal, supervision financiero y proteccion di data, Aruba ta construyendo e makinaria tras di cortina pa sigura gobernacion resiliente, transparente y sensible.

Den hopi manera, esaki ta un señal di e transicion di Aruba for di medida orienta riba emergencia na un construccion estatal a largo plaso. E hecho cu e reformanan aki ta persisti a pesar di transicionnan di gabinete y atraso den implementacion ta un testament na e compromiso ambos banda di Reino.