(NLTimes)—PSV a piki un victoria masivo diadomingo ora nan a derota rivalnan Feyenoord 1-2 na De Kuip. Ismael Saibari y Oliver Boscagli a hinca e golnan pa Eindhovenaren, ken awo ta para cu dies punto na mesa di Eredivisie.

Peter Bosz (PSV) a tuma un decision sorprendente pa cuminsa cu Jerdy Schouten como defensa central. Esaki ta nifica cu Andre Ramalho a keda sinta mientras Oliver Boscagli a tuma e otro posicion di defensa. Arne Slot tambe a haci algun cambio na e banda di Feyenoord. Ramiz Zerrouki y Luka Ivanusec a drenta wega, reemplasando Yankuba Minteh y Igor Paixao.

E prome dos chens di e wega a bin pa Lutsharel Geertruida di Feyenoord. Mira caminda durante e mita parti di wega, un tira di leu for di Santiago Gimenez a ser pusha pa e keeper di PSV Walter Benitez bay pa Geertruida, pero su intento a pasa riba di e gol. Centrocampista Quinten Timber a hunga e segunda chens di wega, pero Benitez a keda alerta di e peligro y no a dun’e espacio pa caba.

E wega tabata slordig como cu ambos banda a fracasa di mustra pakico nan tabata e dos miho ekipo na Hulanda. E ekipo di cas (Feyenoord) tabata cerca di kibra e deadlock net prome cu fin di prome mita. E banda di Bosz a sali miho durante segunda mita. E prome chens a bay pa Ismael Saibari despues di cinco minuut back den wega. Un paso for di Joey Veerman tabata demasiado abao pa drenta gol pa Luuk de Jong, pero Saibari a logra si, di ken su tiro a ser blokia pa keeper di Feyenoord Justin Bijlow.

E ekipo bishitante a tuma e avance despues di 64 minuut hungando. Johan Bakayoko a pasa for di banda drechi pa Saibari, ken a calcula su mes perfectamente prome cu a hinca gol. Cos a bay for di malo pa pio pa Feyenoord ora PSV a dobel nan avance solamente tres minuut despues. E skina di Veerman a enfrenta Boscagli. Bala a drenta gol manera un bala di scopet.

Arne Slot a haci algun cambionan den atake, dunando e ekipo bishitante mas espacio pa actua en contra, y casi nan a probecha dentro di algun minuut. Saibari tabatin e bala cu tres atacado di PSV enfrentando dos defensor di Feyenoord, pero e hoben a hiba bala su so, y su intento a ser salba pa Bijlow.

Ta parce cu e poseedonan di Copa KNVB tabatin mas chens pa un tercer gol cu Feyenoord tabatin pa haya un back, como cu nan a perde un otro chens. Malik Tillman a hunga impresionante ora el a drenta wega; el a kita bala for di Patrick van Aanholt, pero su tiro a pasa riba gol.

E ekipo di cas a haya un gol back despues di 80 minuut hungando. Gimenez a corta prome cu tira den gol. E bala a bin stret pa Benitez, pero e keeper a calcula su pusha malo, mandando e bala atras pa drenta gol. E atacado Mexicano ta e di seis hungado di Feyenoord pa hinca al menos 30 gol den un aña calendario.

A pesar di e dominio durante segunda mita, PSV tabatin suerte cu Feyenoord no a iguala e wega. Bosz y su personal di entrenamento a sali victorioso ora e ultimo fluit a zona. E siman aki tabata tremendo pa e club di Eindhoven despues cu nan a confirma nan progreso pa e etapa di eliminacion di Champions League diaranson. Ambos banda ta bay back den accion diahuebs binidero. PSV lo enfrenta SC Heerenveen na cas mientras cu Feyenoord lo anfitriona FC Volendam.

Potret di Maurice van Steen pa ANP.