Diadomingo ultimo, tabatin entre 90 pa 100 boto durante e evento ademas di e publico basta grandi cu a acudi riba tera, na unda autoridadnan manera Wardacosta conhuntamente cu KPA a haci nan control y a percura pa siguridad di evento.
Mediante un comunicado di prensa Wardacosta den colaboracion cu Cuerpo Policial, Polis Maritimo, servicio di ambulance y Guarda Nos Costa, a zorg pa diadomingo ultimo e evento cana di un manera ordena, den cuadro di e evento ‘Boat Fest’ na Nikki Beach.
For di diasabra anochi, a tuma nota di diferente boto cu a yega e localidad pa asina mara nan boto.
Nan a informa cu tabatin alrededor di 90 pa 100 boto presente durante di e evento y tambe a tuma nota di publico bastante grandi cu a yega via di tera.
E organisacion responsabel pa e evento a tene su mes na e reglanan stipula (paga musica 6or di atardi) pa asina e multitud presente por bay nan cas di un manera ordena.
A tuma nota di cierto instancia nan comercial cu a sigui cu tocamento di musica cu consecuencia cu e publico a tarda un tiki pa bandona Nikki Beach.
Los for di esaki, publico a comporta su mes bon.
Manera nan a informa dia 17 di januari ultimo nan a controla e botonan pa tin e documentonan necesario cu e doño di e boto mester tabatin hunto cune como por ehemplo, Vaarbewijs valido, documento di e boto cu ta stipula loke ta rekeri pa nan tin riba boto, manera entre otro: life jacket pa cada persona, coy paga candela etc.
Polisnan tabata controlando constantemente pa asina mantene e siguridad riba tera.
