(NLTimes) – Publico Hulandes kier pa gobierno adopta un posicion mas fuerte tocante Trump y ta kere cu Europa mester reduci su dependencia riba Merca.

Sosten pa e idea di un ehercito Europeo tambe ta den aumento, segun un encuesta cu mas di 2.000 participante di Ipsos I&O.

E estudio, ehecuta siman pasa durante tensionnan cu Groenlandia, a demostra cu casi mita di e participantenan ta kere cu Merca eventualmente lo invadi Groenlandia. Mas di 3 kwart di e participantenan ta bisa cu nan kier pa gobierno Hulandes opone cualkier intento di Merca pa anexa e teritorio.

Alrededor di 73% di e participantenan a bisa cu Europa ta depende demasiado riba MErca pa defensa, un aumento di 65% na fin di 2024. Sosten pa creacion di un ehercito Europeo tambe a crece, for di 37% den 2019 pa 52% awendia.

Mas cu mita di e sostenedornan di partido Cristian SGP tabata sea satisfecho cu con Gabinete Hulandees a responde na Merca te awo, of kier pa Hulanda ofrece e pais mas sosten ainda. Mas di un kwart di esnan cu ta sostene FVD tambe keir pa Hulanda tuma mas accion pa sostene Merca. Mas cu 40% di esnan cu a vota pa e partidonan ultra derechista, Ja21 y PVV, partidonan derechista VVD y BBB of ta satisfecho of kier pa gabinete ofrece mas sosten na Merca.

E partidonan mas disgusta ta inclui fraccion socialista SP, grupo defensor di derechonan di bestia PvdD, y fraccion iskierdista GL-PvdA. E ultimo tin alrededor di 15% di votadornan bisando cu nan ta satisfecho, cu alrededor di 75% exigiendo pa Hulanda ta mas critico. PvdD tabatin un tasa di aprobacion similar, cu alrededor di 65% cu un posicion mas fuerte. Solamente un di 10 parti di votadornan di SP tabata contento cu e Gabinete su posicion tocante Mereca, cu 80% cu un posicion mas fuerte den oposicion na Merca.

Un estudio separa di Ipsos I&O ta indica cu defensa ta ricibiendo mas importancia entre votadornan Hulandes, cu e proporcion di esnan haciendo yamado pa mas enfoke politico riba e topico aumentando significantemente entre 2023 pa 2025.

Un panel di opinion reciente a ilustra cu confiansa Hulandes den NATO ta relativamente debil despues di tensionnan recien cu Merca, cu varios preocupa cu Merca posiblemente no ta un aliado confiable mas.

Agrega na e debate tocante un ehercito Europeo, otro encuestanan ta revela sosten Hulandes creciente pa colaboracion Europeo riba seguridad y topiconan politico.

Eurobarometer su data a mustra cu un gran mayoria di e poblacion Hulandes ta pensa cu EU mester ta ekipa cu mas recurso pa atende desafionan global, particularmente den e sector di seguridad.