Oficialnan na Puerto Rico a anuncia diaranson cu e teritorio Mericano ta spera di ricibi su prome vacunanan di Covid-19 pa mita di december, mientras e isla ta yega na un cantidad record di caso diario y hospitalisacion.

Trahadonan di cuido di salud, maestronan y cierto empleado den sector publico ta entre esnan cu lo haya prioridad, segun e oficialnan. “Esaki lo ta e miho regalo cu nos por ricibi”, segun Secretario di Salud, Lorenzo Gonzalez.

Puerto Rico a solicita 1 miyon vacuna, pero no ta spera cu tur lo yega na mes momento, segun Jose Reyes, ayudante general di Guardia Nacional di Puerto Rico, cu lo yuda distribui esakinan.

Hopi ta preocupa con un teritorio Mericano cu tin problema cu falta di coriente lo almacena vacunanan cu ta rekeri temperaturanan extremadamente friu, pero Reyes a bisa cu nan tin tres container disponibel cu lo provee e temperatura adecua.

E isla di 3.2 miyon persona a reporta mas di 47mil caso confirma, mas di 39mil caso probabel, y mas di mil morto.

Gonzalez a bisa cu un record di 17 persona a muri dia 17 di november, e cantidad di morto mas grandi desde comienso di e pandemia. Ademas, ta reportando alrededor di 600 caso confirma diariamente, el a bisa.

E teritorio Mericano recientemente a lansa un programa altamente elogia, den cual a provee rapid testing gratis na toll booths riba e isla. Mas di 25mil persona a participa, cu trahadonan di cuido di salud detectando mas di 800 caso positivo confirma, segun epidemiologo Fabiola Cruz.

LEAVE A REPLY

Please enter your comment!
Please enter your name here