(AP) — Un turista for di Merca continental cu tabata bishitando Puerto Rico pa e residencia di Bad Bunny a ser tira mata diadomingo na La Perla, un shantytown popular banda di lama, segun polis.
A identifica e victima como Kevin Mares, 25, kende tabata biba na New York, segun un declaracion di polis.
E tiramento a sucede den oranan prome cu salida di solo na un club nocturno yama “Refuge for Mistreated Men” na La Perla, un comunidad costeño cu tin dificultad pa deshaci di su reputacion scur.
Detective di homicidio, Sgt. Arnaldo Ruiz a bisa den un entrevista via telefon cu e tiramento a tuma lugar na momento cu varios persona cerca di Mares a cuminsa un discusion y un a saca un arma y a tira al menos tres persona, incluyendo Mares. Un ruman homber y muhe den nan 40 aña di edad kende ta biba na La Perla a resulta herida y ta hospitalisa.
Ruiz a bisa cu Mares tabata inocente, djis para na banda. E tabata cu tres otro amigo cu a bisa polis cu nan tabata na Puerto Rico pa un di e 30 concierto di Bad Bunny, cu a atrae diesmiles di bishitante na e teritorio Mericano.
A tira Mares banda robes di su abdomen y a hib’e e hospital publico mas grandi di Puerto Rico, unda el a fayece, segun autoridadnan.
Ruiz a bisa cu polis ainda no sa tocante kico e hendenan tabata discutiendo, y no tin un descripcion di esun cu a tira. “Nos tin masha tiki informacion,” el a bisa.
Ruiz a agrega cu e tres amigo di Mares tambe tabata di New York.
Alcalde di San Juan, Miguel Romero a bisa reporteronan diadomingo cu e lo comparti imagen di camara di seguridad den e area, agregando cu partner di Mares a opta pa no bishita La Perla cune.
Polis a bisa cu e incidente a sucede pa 4:13am, maske un codigo municipal aproba na 2023 ta bisa cu negoshinan autorisa na San Juan por sirbi of bende alcohol solamente di 6am-1am di diadomingo te diahuebs, y hasta 2am diasabra y diasabra, y diadomingo si dialuna tambe ta liber.
