Presidente di Rusia Vladimir Putin no a duna mucho importancia na e sugerencianan diabierna cu por tin riesgo pa un conflicto nuclear entre Merca y Rusia. Donald Trump a bisa den un post riba Twitter diahuebs cu Merca mester “expande grandemente y fortalece nos capacidad nuclear.” Putin a wordo puntra kico lo wordo discuti den e prome reunion cu Trump manera presidente, Putin ta bisa: “Nos mester discuti maneranan pa normalisa nos relacion. Durante su campaña, Trump a bisa cu lo ta adecuado pa normalisa nos relacion cual no por ta pio, anto ami ta di acuerdo cune.”
“E comentarionan di e nominado nobo como presidente di Merca no ta nada nobo,” Putin ta bisa durante su conferencia di prensa anual cu a dura cuater ora. “Durante su campaña electoral, el a bisa cu Merca mester engrandece capacidad nuclear y militar den general, anto esey no ta nada nobo.”
Prome cu e Tweet di Trump, Putin a bisa diahuebs cu e forsa militar di Rusia “ta mas fuerte cu cualkier agresor.” Washington ta acusa Rusia di a interveni cu eleccion door di hack den e emailnan di Democratic National Committe anto publicando detayes. Putin ta bisa cu no ta importa kende ta tras di e hacking. E ta bisa cu e hacking tabata importante pa motibo cu nan a revela informacion berdadero, manera e faboritismo di DNC pa Hillary Clinton riba di Bernie Sanders.
Fuente: CNN
