(AFP) – President Vladimir Putin a expresa speransa diaranson cu su ehercito ta a punto di “completamente libera” e region Kursk di Rusia, mientras Ucrania a insinua cu su trupanan ta retirando a causa di avance rapido di Rusia.
Den su prome bishita na e region desde cu Ucrania a lansa su contra-ofensiva den augustus, Putin, bisti den paña di ehercito, a elogia e avancenan recien y a urgi su trupanan pa sigui lucha. “Mi ta conta riba e hecho cu tur e tareanan di combate enfrentando nos unidadnan lo ser cumpli y e teritorio di e region Kursk pronto lo ta completamente libera di e enemigo,” el a bisa den declaracion televisa.
Rusia su forsanan a bolbe mira avance den e region fronteriso durante e ultimo 5 dia, hefe di empleado general Valery Gerasimov a informa Putin. Minuutnan despues cu e imagennan di Putin a keda televisa riba television estatal Ruso, Ucrania su comandante di ehercito a sugeri cu su trupanan ta bayendo bek pa minimalisa e perdidanan. “Den e situacion mas dificil, semper mi prioridad tabata y ta keda salba e bida di soldaatnan di Ucrania. Cu e fin aki, e unidadnan di forsanan di defensa, si ta necesario, ta maniobra na posicionnan mas faborabel,” Comandante Oleksandr Syrsky a bisa den un publicacion riba Facebook, den idioma cu tipicamente usa pa describi ora ehercito ta retira.
El a agrega sinembargo: “Apesar di e presion aumenta di ehercito Ruso/Coreano di Norte, nos lo mantene defensa den region Kursk tanten esaki ta apropia y necesario.”
Ucrania y su aliadonan ta bisa cu mas di 10,000 trupa Coreano di Norte ta luchando pa Rusia na Kursk.
Gerasimov a bisa cu Rusia a captura 340 soldaat di Ucrania den e region, mientras cu Syrsky ta bisa cu 942 Ruso a ser tuma como prizonero di guera.
Putin a bisa cu e soldaatnan di Ucrania cu a gara mester “ricibi tratamento como terorista, di acuerdo cu leynan di Federacion Ruso,” sugiriendo cu nan por enfrenta huicio den corte Ruso y keda deteni pa decadanan.
Rusia ya caba a pone varios soldaat di Ucrania den huicio pa “terorismo.”
Geneva Convention ta prohibi cu soldaatnan captura bay huicio pa nan hostilidad arma. Gerasimov a bisa cu Rusia a retoma alrededor di 1,100 kilometer cuadra di teritorio den region Kursk – gran mayoria di loke Ucrania a logra tuma den augustus.
