(AP) – Probablemente R. Kelly no ta bay subi e podium na e huicio pa cu e caso di traficacion sexual, un abogado di e cantante a bisa e hues riba diamars.

E remarca haci pa e abogado Deveraux Cannick, haci na e hurado, a bini despues cu e defensa a caba su caso na e huicio den corte federal na New York City.

E espectaculo potencial di Kelly su testimonio semper tabata algo poco probabel. Hues di districto Ann Donnelly a bisa diamars cu e acusado te ainda tabatin tempo pa cambia di opinion prome cu a caba e huicio pa e dia.

 

E fiscalnan su argumentonan di ciere por cuminsa diaranson merdia of atardi.

Kelly, ken actualmente tin 54 aña di edad, cada biaha a keda nenga e acusacionnan cu tras di escena di su carera di 30 aña largo, lansa den gran exito danki na su hit di aña 1996 “I Believe I Can Fly,” e tabata un predador sexual ken a manipula y explota su victimanan hoben. Segun e victimanan, Kelly tabata usa su empleadonan pa atrae e muhenan aki, cu engaño y promesanan di conoce Kelly como fanaticonan, unda cu despues Kelly tabata manipula nan y forsa nan biba hunto den su cas, unda cu e tabata obliga e muhe- y hobennan haci actonan sexual cu su persona, y den algun ocasion te hasta cu otro persona.

Ademas di e hende muhenan, tambe tin mucha homber hoben cu a testigua, y acusa Kelly di a explota di nan persona y abusa di nan sexualmente, cu promesanan falso di yuda nan carera musical tempo cu nan tabata principiante, y a acerca Kelly como fanatico y cu intencion di bira discipulo di Kelly. R. Kelly Su abogadonan a purba di ilustra e victimanan aki manera fanaticonan cu kier probecha di su fama.

Riba diamars, accountant John Holder tabata entre e ultimo aliadonan di Kelly cu a testigua pa e defensa, ken a bisa cu nunca el a mira Kelly abusa di su supuesto victimanan manera e acusadornan ta ibsa. Holder a describi un momento unda cu el a mira Kelly ta carga un maletin cu hopi placa cash den dje, cual ta e ganashi cu el a genera di su conciertonan, pa e por hiba e mucha muhenan y muhenan adulto aki di compras.

Durante examinacion, e fiscalnan a mustra hurado evidencia sugeriendo cu Holder su contribucionnan tabata kinderachtig, cu un tabel di Kelly su negoshi traha den forma di un pulpo cora.