(AP) – Un tipline crea 26 aña atras pa combati explotacion di mucha no a desaroya te na su potencial y tin mester di mehoracion tecnico, entre otro, pa yuda autoridadnan tuma accion contra abusadornan y rescata victimanan, un rapport nobo di Stanford Internet Observator y a conclui.
E areglonan aki na loke e investigadornan ta describi como un “servicio sumamente valioso” tambe ta urgente den bista di menasanan nobo di inteligencia artificial di empeora su problemanan. “Ta casi sigur cu den e añanan binidero, e CyberTipline lo ta inunda cu contenido realistico crea pa AI, cual lo haci hopi mas dificil pa autoridadnan por identifica muchanan real cu mester rescata,” e investigado Shelby Grossman, autor di e rapport a splica.
E servicio estableci pa Congreso ta e linea di defensa principal pa muchanan cu ta explota online. Pa ley, e companianan di tecnologia mester reporta cualkier material di abuso di mucha cu nan mira riba nan plataforma na e sistema, cual ta opera pa National Center for Missing and Exploited Children (NCMEC). Despues di ricibi e alerta, NMEC ta purba haya e persona cu a manda of ricibi e material, ademas di e victima, si esaki ta posibel. E alertanan aki ta ser manda pa autoridadnan na su turno.
Mientras e cantidad di alerta cu yega CyberTipline ta sumamente abrumante pa autoridadnan, investigadorna nta bisa cu e volumen ta solamente un di varios problema fundamental di e sistema. Por ehempel, varios di e alertanan manda pa companianan di tecnologia tin falta di informacion importante, manera suficiente informacion tocante e abusador su identidad. Esaki ta haci dificil pa autoridadnan por sa cua alertanan merece prioridad. “Tin problemanan significante cu henter e sistema actualmente y e fayonan aki lo bira hopi mas grandi den un mundo unda AI ta generando CSAM nobo,” Alex Stamos a comparti, usando e inicialnan pa loke ta yama materialnan di abuso sexual di mucha. Stamos ta un experto den seguridad cibernetico.
Tecnologicamente e sistema ta anticua y ta yen di desafio constante entre gobierno y plataformanan di tecnologia: e falta di ingeniero experto, ken por ricibi salario hopi mas halto den e industria di tecnologia. Algun di e empleadonan aki te hasta ta ser recluta pa e mesun companianan cu manda e alerta.
Tin tambe obstaculonan legal. Segun e rapport,. Corte su decisionnan a causa cu e empleadonan na NMEC a stop di busca cierto documentonan si nan no ta disponibel publicamente prome cu manda esaki autoridadnan. Varios oficial ta bisa cu nan tin mester di un permiso di buskeda pa tin acceso na e imagennan aki, cual ta atrasa e proceso. Hopi biaha, varios permiso ta necesario pa identifica e mesun abusador.
Tambe ta facil pa e sistema distrae su mes. E rapport ta revela cu NMEC recientemente a yega un logro di miyones di rapport pa dia a causa di un meme cu ta plamando riba rednan social, cual varios ta haya pret y otronan ta haya un disgusto. “E dia aki a causa cambionan,” Stamos bisa. “El a dura simannan pa nan por procesa tur e alertanan aki” pa medio di haci mas facil pa cluster e imagennan na otro.
E tipline cibernetico a ricibi mas di 36 miyon alerta den aña 2023, casi tur di plataforma online. Facebook, Instagram y Google tabata e companianan cu a manda e cantidad di alerta mas halto. E cantidad en general ta aumentando dramaticamente. Nan ta bini for di companianan grandi manera Google, Amazon y Meta ademas di e companianan chikito.
Den casi mita di e alertanan cu a ricibi ana pasa, NMEC y autoridadnan por a follow up e caso y tuma accion.
Centenares di alerta ta concerni e mesun abusador y varios ta inclui imagennan of videonan. Alrededor di 92 porciento di e alertanan den aña 2023 tabata trata paisnan fuera di Merca, un cambio drastico di aña 2008 unda e mayoria victima y abusadornan ta dentro di Merca.
Algun claramente ta falsa alarma. “Esaki ta disgusta autoridadnan grandemente pa motibo cu e alertanan cu nan ta mira cu ta falso definitivamente ta un adulto,” Grossman a bisa reporteronan. “Sinembargo e sistema incentiva e plataforma pa ta hopi conservativo of pa reporta contenido cu ta potencialmente ilegal, pa motibo cu si esaki resulta di ta CSAM y nan tabata altanto pero no a reporta esaki, nan por ricibi boet.”
