(ElNacional) – Gobierno di Nicolas Maduro ta permiti organisacionnan criminal transnacional, entre cual ta inclui gruponan stranhero designa pa terorismo, opera na Venezuela pa narcotrafico y otro accionnan criminal. Asina e Oficina di Responsabilidad di Gobierno Mericano a afirma den dos rapport recien, den respuesta na un solicitud cu senador Jim Risch a haci den luna di maart di aña 2021.
E instabilidad politico di e pais, el a sigura, ta proporciona un ambiente di contrabanda indulgente y e structura politico corupto y inseguridad ta permiti ademas pa e funcionarionan participa den presunto actividadnan ilicito pa obtene ganashinan ilegal.
Entre 2017 y 2022, e oficina Mericano a indica, Departamento di Estado a determina cu Venezuela ta un pais di labamento di placa y di corupcion.
Na 2023 a informa e comitenan di Congreso ariba e influencia den e region di e pais goberna pa socialistanan: a describi, segun e rapportnan, con e corupcion den diferente nivel tabata permiti crimen transnacional, manera trafico di droga, oro, arma y hende, y manera e seguridad nacional a deteriora y a contribui na e crisis humanitario.
Asina, el a señala, cu den luna di mei a revela con ta trafica cocaina Colombiano a traves di Venezuela cu destino pa Merca, Europa y Africa; con e ambiente na Venezuela ta permiti individuonan corupto colabora cu narcotraficantenan y con e situacion di e pais ta atenta contra e obhetivonan antinarcotico Mericano.
E autoridadnan Mericano a duna di conoce e organisacionnan di crimen transnacional principal na Venezuela y nan actividadnan, nan presunto vinculo cu e regimen di Maduro y e forsanan di seguridad Venezonalo y e accionnan di Merca pa contra aresta e actividadnan criminal aki.
E Oficina di Responsabilidad di e Gobierno Mericnao a indica cu e fluhonan financiero ilicito relaciona cu Venezuela ta inclui e benta di materia prima, manera petroleo y oro, ente otro, como tambe e trafico di droga.
El a afirma cu e petroleo, cu ta sigui wordo exporta na paisnan manera China, ta keda como un fuente di ingreso pa Venezuela y a adverti cu el a sirbi manera un mecanismo pa fraude y corupcion, segun funcionarionan di e Departamento di Tesoro.
E oro extrai ilegalmente, el a sigura, a wordo refina y su origen ta wordo oculta den Caribe, Latino America, Medio Oriente y Africa prome cu e ingresa e mercadonan internacional, segun un investigacion financia pa e gobierno Mericano. Despues, e oficina a bisa, e oro Venezolano ta wordo exporta pa paisnan di Europa, Medio Oriente y Asia Oriental.
Den e rapportnan tambe ta expone, segun e comandante di Comando Sur di Merca, cu funcionarionan di e regimen di Maduro a colabora cu e ehercito di Liberacion Nacional y disidentenan di e Fuezas Armadas Revolucionarias de Colombia pa transporta cocaina a traves di Venezuela.
E oficina a recorda cu e Departamento di Tesoro tambe a designa mas di 300 persona y entidadnan relaciona cu Venezuela, blokiando nan activonan y prohibiendo e ciudadano- y entidadnan Mericano negosha cu nan.
Ademas el a indica cu e Departamento di Husticia a acusa por lo menos 35 persona di delitonan relaciona cu labamento di placa y sigura condena pa algun di nan.
