KVK.jpg

Varios luna pasa e team cu e tempo ey tabata negociando cu Citgo pa loke ta trata reapertura di e refineria a duna un presentacion caminda a invita varios persona y instancia.

 

Entre e invitadonan a figura miembro di directiva di Camara di Comercio y Industria (KvK). Un di e miembronan despues di e presentacion a wordo puntra riba e presentacion y el a contesta (a base di e presentacion cu el a mira e anochi ey) positivamente. E contesta cu el a duna e anochi en cuestion tabata puramente a titulo personal.

 

Awe KvK a tuma nota cu a sali un articulo den medionan di comunicacion caminda ta uza e declaracion pa purba crea e impresion cu KvK ta para tras di e acuerdo cu a wordo presenta na Parlamento.

 

Aunke cu esaki no ta e prome biaha cu un Gobierno di nos isla ta manipula informacion pa crea impresion incorecto den comunidad, sinembargo KvK a keda masha decepciona atrobe den e nivel di comportacion di nos mandatarionan.

 

Durante e ultimo lunanan hopi informacion a sali cu ta mustra cu e presentacion di tanto luna pasa tabata incompleto ya cu a laga masha hopi detaye afo.

 

Mirando e informacion (ainda incompleto) di cual  KvK ta dispone awe, e posicion di KvK ta lo siguiente:

  1.  
  2. Ta inaceptabel cu un Gobierno di Reino Hulandes por sconde informacion crucial di e comunidad di Aruba y hasta di e organo mas halto di nos pais, esta Parlamento.
  3. Ta bergonsoso cu miembronan di Parlamento ta acepta e postura aki di parti di e mesun Gobierno cu nan ta wordo paga hopi placa pa controla y vigila den nomber di e comunidad di Aruba.
  4. A base di e informacion (incompleto) cu KvK tin, e acuerdo cu a keda negocia ta laga hopi di desea.
  5. Ta keda na e Parlamento di nos pais pa exigi di e Ministro(nan) pa re-negocia e acuerdo pa proteha nos comunidad di consecuencianan negativo den futuro.
  6. Ora re-negocia e acuerdo mester fortalece e ekipo negociado cu un of mas persona cu tin experiencia den negociacionnan internacional cu empresanan grandi pa asina evita consecuencianan negativo serio pa e comunidad cu Gobierno di Aruba tin e responsabilidad di sirbi.

 

Si cualkier persona ta interesa pa haya mas informacion di e posicion di KvK riba e tema aki of cualkier otro tema, esaki ta disponibel riba e website di KvK www.arubachamber.com.

 

LEAVE A REPLY

Please enter your comment!
Please enter your name here