Awe Zima Rooftop Bar na JOIA Aruba by Iberostar ta presenta un biaha mas un evento grandi cu lo bai deleita tur presente.
E aclamado festival di Caribbean Sea Jazz cu a pone Aruba su nomber halto internacionalmente pa cu eventonan musical. Un anochi special na Zima dedica na ‘Caribbean Sea Jazz Festival’ bao encargo di e conocido Erik Jan Eman. Zima lo conberti su mes den un escenario pa musiconan di taya internacional unda cu lo presenta un repertorio completo dedica na e famoso festival aki.
E banda “The Groove Hunters” forma pa musiconan conoci den nos comunidad ta cla pa presenta y deleita tur presenta “Back to Caribbean Sea Jazz”; manera Erik Jan Eman riba bass, Serghio Jansen riba guitara, Jeremy Bonarriba riba drums mientras cu Lazaro Barizonte lo ta riba keys y saxo. E cantante pa cu e anochi aki lo ta Iris Wijerse. Pues nos por spera un presentacion di calidad halto.
E ambiente na Zima lo cuminsa for di 6’or di atardi cu live DJ pa set e ambiente mientras cu e “Feel The Jazz” mes lo start pa 8’or di anochi. Pa e evento aki Zima lo tin prijsnan special riba cocktail durante su Happy Hour di 5’or y mei di atardi te cu 7’or y mei di anochi. Ta recomenda pa hasi reservacion di bo mesa atraves di Opentable.com/ Zima Rooftop Bar
