(NLTimes) – Victim Support Netherlands kier pa Netflix inmediatamente kita e serie Mericano tocante e asesino Jeffrey Dahmer. Presidente Rosa Jansen a confirma esaki despues di a reprota na NOS Radio 1 Journaal.

Victim Support tambe lo trece dilanti e problema aki cu e organizacion Victim Support Europe. “Nos meta ta pa yuda victima tuma control back di nan bida despues di un evento terrible,” Jansen a expresa. “Un serie riba Netflix tcoante Dahmer ta kita e control aki for di nan man.” Esaki ta particularmente fastioso pa Jansen pa motibo cu e serie ta ilustra e asesino como un homber “fuerte y poderoso” mientras cu tur e victimanan ta “emocional y debil. E criminal ta ser mira di un manera romantico y no ta aplica ningun control riba esaki.”

Netflix “no lo responde” na Victim Support Netherlands su peticion pa kita e serie for di e servicio, un vocero a bisa. Netflix no a provee mas splicacion pa cu nan decision.

Productor Ryan Murphy su serie ta conta e storia di e asesino Jeffry Dahmer, ken a fayece den ana 1994, tambe conoci como e canibal di Milwaukee. El a asesina por lo menos 17 mucha homber y hende homber, kendenan mas tanto el a conoce na barnan gay. El a tortura nan, inyecta nan cu acido hydroclorico, tene relacion sexual cu nan curpa despues cu nan a muri y a come parti di nan curpa.

E caso aki a genera mas controversia ora cu cuerpo policial a fracasa di interveni ora cu bisinjanan y te hasta un victima cu a logra scapa for di e sitio a trece dilanti nan keho y sospecha, pero cuerpo policial no a kere nan. E serie titula “Dahmer – monster: The Jeffry Dahmer Story” ta e programa cu mas a ser mira riba e servicio aki mundialmente den diana recien.

Casi inmediatamente despues cu e serie a keda publica, e victimanan a critica e hecho cu nan no tabata altanto di esaki, aunke cu nan persona lo ta den e serie, aunke esak ita interpreta pa actornan. “Nunca mi a ser contacts pa e serie. Mi ta kere cu Netflix mester a puntra nos opinion tocante esaki. Nan no a puntra nada,” Rita Isbell, e ruman di un di Dahmer su victima a bisa na Time Magazine.

Tambe tabatin hopi critica for di e communidad di LGBTQ pa motibo cu Netflix a categoria e serie aki como “LGBTQI” resultando cu Dahmer ta ser recomenda riba varios programa pa personana cu ta parti di e comunidad aki. Netflix desde esaki a kita e categorisacion.