Rednan social ta hunga un rol importante den epoca di pandemia. Adultonan hoben ta e usuarionan mas importante cu investigadonan sanitario ta bisa cu a purba di probecha e situacion pa implementa strategianan pa promove salud y cambio di comportamento, ademas di adopta un estilo di bida mas saludabel.

For di seis luna atras cu Covid-19 a yega, rednan social ta hunga un papel crucial den desaroyo di emergencia sanitario. Aislamento a ocasiona cu personanan di diferente edad a cuminsa of aumenta e uso di nan, asina como otro hermentnan di tecnologia di informacion di diferente forma, manera pa informa, comparti contenido cu amigonan, traha for di cas, siña online, entre otro. Esaki a causa cu pa via di cuarentena, e comportamento a cambia y rednan social ta testigo di esey.

Aworaki, rednan social tin e poder di marca un agenda den opinion publico y amplifica e situacion di pandemia. Mester solamente publica un topico riba rednan social pa dia despues esey bira e titular di noticianan y un investigacion pa expertonan.

Pero un cantidad di e contenido cu tin relacion cu pandemia di coronavirus lo por tin un informacion robes y algun di e publicacionnan lo por tin informacion cu no a wordo verifica. Eesaki ta un fenomeno cu ta plama hopi lihe y di manera alarmante, loke ta constitui un peliger pa seguridad publico.

E factornan principal pa divulga informacion falso of esun denomina ‘fake news’ ta presion di demanda di informacion durante crisis, falta di informacion a traves di rednan social, factornan cultural, incentivo di comercialisacion y escasez di supervision legal di contenido online.

Un frecuente exposicion na rednan social durante temporada di pandemia a demostra cu tin relacion cu ansiedad y depresion. Un estudio na China a revela cu 80% di e personanan encuesta tabata exponi frecuentemente na informacion riba rednan social y cu casonan di ansiedad a aumenta 72%.

Descarga di aplicacionnan a aumenta den e simannan aki y personanan ta actua mas cu emocion compara cu rason. Ta dedica menos tempo pa configura e privacidad di nan cuenta y tambe ta disminui e consciencia riba un video cu a wordo publica cu den poco seconde; esey lo bay viral sin por haya control riba dje, incluso si keda elimina.

E sensacion falso di seguridad tambe por ta promovi pa fake news riba medicamento nobo of practica cu ta sigura ta preveni e infeccion, of cura coronavirus. E situacionnan aki por pone e bida di hopi hende na peliger. E medio mas usa pa haci esaki ta e plataforma di mensahe WhatsApp, cu supuesto dokternan cu informacion specialisa di Covid-19. En todo caso, e informacion aki ta genera mas panico entre e poblacion y no ta aporta ningun solucion pa e problemanan.

Cuentanan di organisacionnan gubernamental den rednan social tambe mester hunga un rol importante pa comparti informacion veraz y oportuno, ultimo noticianan di pandemia riba maneho di emergencia di parti di gobierno, esey ta conduci na un participacion mayor di ciudadanonan cu lo permiti reduci nan incertidumbre.

Actualmente rednan social ta testigo di con e pandemia di coronavirus a ocasiona profundo cambionan den e funcion di sociedad y comportamento humano no ta un excepcion. Tambe por evidencia aspectonan negativo debi na e cantidad grandi di informacion na cual comunidad tin acceso, como fake news y algun cuenta falso, cu ta aumenta e riesgo di ansiedad y depresion. Sinembargo, tambe tin aspectonan positivo, manera recrea e mente cu actividadnan of reto cu a promove, contacto cu amigonan y sernan keri cu ken no por tin contacto fisico.

Rednan social mester funciona como un espacio di informacion y entretenimento ekilibra cu no lo causa mas daño fisico, mental of social di loke e pandemia a causa caba. Hopi administrado di rednan social mester actua cu responsabilidad pa crea y comparti contenido, principalmente den epoca di pandemia.

Por considera como conseho pa usuarionan di rednan social demostra con ta colabora pa contene e plamamento di e virus Covid-19, ta responsabel y enfatisa pa su amigonan y sernan keri pa keda na cas, distanciamento social y fisico, hunto cu un bon higiena ta e unico manera pa combati e pandemia, ya cu no sa ki tempo e vacuna lo ta disponibel.

LEAVE A REPLY

Please enter your comment!
Please enter your name here