Reduccion di impuesto riba compensacion di retiro

ORANJESTAD – Evaluando e situacion di nos economia actual, y tambe e efecto cu circunstancianan di politica internacional tin pa nos trahadonan, Minister di Economia, Finansas y Cultura sra. Xiomara Ruiz-Maduro a duna aprobacion pa reduci e peso fiscal riba compensacion di retiro temporalmente.

E reduccion aki ta pa un grupo grandi di trahadonan na Aruba, cu lo por perde nan trabou y lo tin dificultad pa haya un otro trabou den dicho situacion.

E tarifa, manera stipula den articulo 24, inciso 5, Landsverordening Inkomstenbelasting (AB 1991 no. GT 51) a keda reduci na 15%, y ta valido solamente pa pagonan di compensacion di retiro cu ta tuma luga den aña 2019.

Ta concede compensacion di retiro, manera stipula den articulo 11, inciso 1, parti a, Landsverordening Inkomstenbelasting (AB 1991 no. GT51), na trahadonan retira como consecuencia directo di retiro. E maneho aki ta na vigor desde publicacion di Landscourant no. 07 fecha 29 di maart 2019 y ta keda vigente te cu dia 31 di december 2019.

Proceso administrativo
Den caso di retiro y e empleado ta bin na remarca pa compensacion, e empleado por haci un peticion por escrito pa aplica e tarifa special di 15% na Departamento di Impuesto.

Hunto cu e peticion mester agrega e documentonan cu ta regarda e compensacion. Despues inspector di impuesto lo duna su decision por escrito na e empleado, kende na su turno ta entreg’e na su doño di trabou. Solamente riba peticion di e empleado ta evalua si por aplica e tarifa special teniendo cuenta cu e compensacionnan envolvi. Si e empleado no haci un peticion, su doño di trabou tin e deber di aplica e tarifa normal. Ta bon pa tene na cuenta cu e tarifa di 15% no ta obligatorio y no tur ora e ta cumbini e empleado.

 

You May Also Like

‘Mey ora ta maximo pa pashent warda’

Presidente di HAVA: Den un edicion anterior, Bon Dia Aruba a trece dilanti e ...

Mangel cu THC haya riba un pasahero biniendo for di New York

Personal di duana durante un control riba un pasahero biniendo for di New York ...

Acuerdo cu Guajira sector primario na vigor (1).jpg

Acuerdo amplio entre Aruba y Guajira a bira formal

E acuerdo entre Aruba y Guajira (Colombia) riba tereno di cultura y sector primario ...

VENEZUELA: Union Europeo a yega na acuerdo pa mas sancion

E paisnan di Union Europeo (UE) a yega na un acuerdo pa adopta sancion ...

3aug, NP, Sievinger.jpg

Local ta na prome luga den Citgo, pa experticio cu no tin ta busca internacional

Recientemente a wordo publica informacion di e cantidad di hendenan cu a aplica pa ...