Si bo ta obeso, perde apenas 5 porciento di bo peso ta pone bo riba caminda na un miho salud; pero investigacion nobo a haya cu perde 13 porciento di bo peso por reduci considerablemente bo riesgo di desaroya un cantidad di condicionnan no saludabel.

Por ehemplo, e chens pa desaroya diabetes tipo 2 tabata al menos 42 porciento menor entre hendenan obeso cu a perde 13% di nan peso, compara cu esnan cu no a perde peso, segun un reporte di e Congreso riba Obesidad Europeo y Internacional.

E investigacion tabata basa riba ocho aƱa di datonan di 552,953 adultonan di edad medio, kende tabata obeso y intencionalmente a baha peso (cu ta nifica cu nan no a perde peso pa motibo di un malesa). Banda di e efecto di diabetes, perde 13% di nan peso tambe a haci hende 25 porciento menos probabel pa desaroya presion halto of apnea di soƱo (stop di hala rosea mientras ta drumi), y tabata vincula cu un reduccion di 22 porciento den riesgo pa colesterol halto y un reduccion di 20 porciento den riesgo pa osteoartritis.

Obesidad, defini como un acumulacion excesivo di vet cu ta presenta un riesgo pa salud, hopi biaha ta determina pa e body mass index (BMI) di un persona, un calculo di vet den curpa basa riba peso y haltura. E forma mas facil pa determina bo BMI ta pa hinca bo peso y haltura den un calculator online. Un BMI di 30 of mas ta considera obeso. Tratamento pa obesidad usualmente ta cuminsa cu un meta modesto di perde entre 5 pa 10 porciento di peso, alrededor di 10 pa 20 libra den un persona cu ta pesa 200, y ta inclui un cambio den habito alimenticio y un aumento di actividad fisico.

LEAVE A REPLY

Please enter your comment!
Please enter your name here