(InfoBae) — Gobierno Britanico a destina mas cu 400 miyon dollar pa e desaroyo di e prome arma laser di Royal Navy, despues di e exito di e ultimo pruebanan den cual el a logra tumba dronenan di velocidad halto.
E adelanto a causa firma di un contract cu e compania di defensa MBDA UK, cu lo sigui perfecciona e sistema pa instal’e riba un destructor Tipo 45 den dos aña.
Actualmento, e barconan di clase Daring tin misil Sea Viper, canonnan, arma light y e sistema Phalanx pa defensa aereo. Esakinan a demostra nan efectividad, manera a pasa cu Sea Viper y e canon di 30mm di HMS Diamond, usa recientemente pa neutralisa dronenan lansa door rebeldenan Houthi na Yemen contra barconan cu ta pasa door e Lama Cora.
E arma nobo, yama ‘Dragonfire’, ta surgi como un alternativa di precision alto y costo abao —solamente 10 libra pa cada tiro compara cu e un miyon libra cu cada misil Sea Viper ta costa—, capaz di dal un blanco chikito manera un cent for di un kilometer y sin preocupacion di keda sin municion.
Durante su ultimo ensayonan, ‘Dragonfire’ a logra detecta, sigui y destrui dronenan di velocidad halto y mas leu cu e horizon, loke ta representa un novedad grandi den e area militar di Reino Uni.
E proyecto tin colaboracion di e companianan QinetiQ y Leonardo, banda di MBDA, pa optimalisa e diseño prome cu desplega e sistema na un di e destructornan cu ta basa na Portsmouth, cinco aña prome cu tabata plania.
‘Dragonfire’ lo bira e prome arma laser di halto poder den servicio na cualkier pais Europeo, y ta crea mas cu 600 trabao den Reino Uni, segun e pagina oficial di Royal Navy Britanico a subraya.
Dia 28 di october, e autoridadnan na mando di e rama naval di Forsanan Arma Britanico a ehecuta un prueba historico door di implementa tecnologia cuantico den un submarino no-tripula.
E Test Submersibel XV Excalibur a nabega ekipa cu e holoshi optico atomico cuantico di Infleqtion, marcando e prome biaha cu un aparato asina ta opera den awa habri.
Durante e prueba, ehecuta hunto cu e Unidad di Autonomia di Submarine Delivery Agency, e holoshi Tiqker di Infleqtion a demostra cronometria preciso riba e machine no-tripula di tamaño extra grandi fabrica door di MSubs, cu actualmente ta pasa den un bateria di prueba den ambiente maritimo.
Diferente cu otro embarcacionnan, submarinonan no por depende completamente riba GPS pa nabegacion, y holoshinan tradicional di microwave, aunke stabiel, tin tendencia pa desvia cu tempo, loke ta baha precision abordo.
E integracion di tecnologia cuantico door di sistemanan manera Tiqker ta duna e submarino un miho sincronisacion y precision di nabegacion, mientras cu e ta minimalisa e necesidad pa señal externo, permitiendo e keda mas tempo bao di awa y secreto.
