14juni,SL, Artistanan (2).jpg

Renaissance Aruba Resort & Casino un biaha mas lo tene nan evento anual. E ‘Global Day of Discovery’, un evento mundialmente reconoci y parti di Renaissance Hotel ta wordo celebra rond mundo; inspiracion y creatividad lo ta central riba e dia aki. E aña aki Renaissance Aruba Resort & Casino a uni forsa cu Korteweg pa celebra e ‘Global Day of Discovery’ den un forma extraordinario.

 

Diaranson 15 di juni proximo Renaissance Ocean Suits lo keda converti den un plasa artistico unda cu lo pone e spotlight ariba Aruba su artistanan local. Un evento gratis pa henter famia por yega y aprecia e talento local di cada artista. Artistanan invita pa e dia aki lo ta; Maria Onni (driftwood art), Armando Goedgedrag (pintura y fotografia), Romelinda Maldonado “KALA,” (obra di man y joyas), Amany Om Mujer Ancestral (dream catchers), Hendrick Schouten (pintura y joyas), Naomi Wouters (popchi Arubano), Gabriella Gonzales “Aruba Hands” (joyas), Ashlin Ahlip (Tangerine), Marjan Abath y Marcha Hoost Terrafuse (glassblowing), Naomi Landgraf (casnan ‘old cunucu’), Maira Kong A Sam Designs (joyas) y Cado de Lannoy (fotografia).

 

E evento lo ta for di 6’or di atardi te cu 10’or di anochi. Renaissance su team culinario lo percura pa un tremendo BBQ buffet cu un toke local di Frank Kelly. E BBQ buffet lo ta unicamente $29,95 pa persona. Tur presente por combersa cu nos artistanan local y admira nan trabao y creatividad. Lo bay tin oportunidad pa cumpra obranan di man, pintura, joyas y mucho mas si ta desea esaki, asina comunidad ta aporta na artesania local y duna balor na e trabao di cada artista. Lo bay tin musica di DJ’nan Masbango y Allan Coutinho.

 

Esaki ta e di 5 aña consecutivo cu Renaissance Aruba Resort & Casino ta organisa e ‘Global Day of Discovery’, un evento pa trece comunidad Arubano pero tambe turista mas cerca di e cultura di Aruba como tambe a artesania traha na man di nos artistanan local. Pa mas informacion por tuma contacto cu Janien Huistra na Jhuistra@arubarenaissance.com of yama  5236180.