(DiarioLibre) – Senador di e provincial Santiago Rodriguez, Anotnio Marte, a anuncia dialuna cu e ta na fabor di e medida cu lo regula e servicionan di transport cu ta opera na e pais a traves di plataformanan tecnologico.
Marte a indica cu na diferente ocasion el a denuncia cu na Republica Dominicana ta desvia a traves di labamento di placa tres mil miyon di pesos pa medio di e “taxinan” cu ta funciona cu e tipo di plataforma ey.
E legislador a bisa cu e taxistanan ey ta produci mas di RD$ 60 mil y RD$ 70 mil pa luna, locual ta bay otro paisano a traves di un credit card y nan ta duna back 35% na e chauffeurnan, di cual nan no ta paga ningun tipo di impuesto.
“Tur e chauffeurnan mester paga impuesto akinan, mas di RD$ 22 miyon e chauffeurnan ta paga na e pais y nan, di e plataformanan tecnologico, no ta paga, nan no tin un salario, nan no ta likida niun hende y nan no tin un oficina, telefon ni nada”, e legislador a expresa.
E presidente tambe di e Confederacion Nacional de Organizaciones de Transporte (Conatra), a indica cu e ley 63-17, den su articulo 83 ta bisa cu pa un persona por bira taxista e mester regula y registra su mes den un sindicato.
“Nan no ta taxista, nan ta empleado di e Senado, Ayuntamiento, di e empresanan, di gobierno y di unda cu ta cu nan ta sali den un auto y nan ta tuma e servicionan ey y ya”, el a indica.
El a resalta cu esey no ta hustifica e agresionnan cu a wordo realisa den contra di e chauffeurnan aki, pero el a manifesta cu nan mester establece nan mes legalmente pa nan por traha na e pais.
