(DiarioLibre) – E escape di e Arubiano, David Albertico Leung y/of David Martin Escudero y/of Albertico Franklin Leung, y e Dominicano, Londry Cuevas Moreta y/of Londy Cuevas Moreta, cu a huy diamars cuater di juli for di e prison di Bani, a ser planifica hunto cu otro dos persona mas cu no a logra huy.
Segun Ministerio Publico, e preso David Alberto Leung a alega cu un compañero tabata den mal estado di salud, door di cual seguridad di e area a habri e porta permitiendo cu e presonan a gar’e na su pecho hink’e den e cel pa despues nan huy.
Segun e informe preliminar, e plan di escape tabata contempla e escape di cuater preso.
E autoridadnan ta sigui tras di e pista di e narcotraficante Arubiano cu a ser vincula na casi un ton di droga confisca na 2021 na Matanzas, Peravia y cu a huy for di e prison Bani. E stranhero ta condena na 20 aña di prison pa viola e Ley 50-88.
Hunto cu e Arubiano David Albertico Leung y/of David Martin Escudero y/of Albertico Franklin Leung, tambe ta busca e Dominicano Londry Cuevas Moreta y/of Londy Cuevas Moreta, cu mesun sentencia, pero pa homicidio y asociacion na malhechornan.
Miembronan di organismonan di inteligencia di e Direccion General de Servicios Penitenciarios y Correccionales (DGSPC) a activa e persecucion despues di e fuga.
E procuradoria a informa diamars cu nan ta investigando e circunstancia den cual e ex-preso Luis David German Lara, di 24 aña a fayece, kende a haya su libertad dia 24 di maart di e aña aki y tabata cu e presonan ora cu e hechonan a tuma luga.
