Ministerio di Salud Publico tabatin riba agenda realisa ayera un intervencion na e Distrito Nacional, e lugar cu tin te ayera 47 morto, pa un porcentahe di 13,58, y 2.004 persona contagia (24,34%) di Covid-19. E teritorio ta conta 610 persona recupera.
Distrito Nacional ta ocupa promer lugar di caso confirma di e coronavirus nobo. Dialuna e distrito a reporta 72 caso nobo di e virus. Dia 15 di april e zona, den boletin 27, a registra 1.003, loke ta significa cu a aumenta 1.001 caso den 20 dia. Ta sigui despues provincia Santo Domingo, cu 1.692 caso (20,55%). Te cu ayera tabata conta 8.235 caso di contagio na e pais, y un cifra di 346 morto causa pa e virus. Dia 5 di mei a registra 245 caso nobo, mas abao cu e peak absoluto di 376 caso nobo di 3 di mei, pero ademas cu un total di 902 caso nobo (casi 11% di e total di caso confirma den ultimo dianan entre 2 y 5 di mei, desde cu a confirma e promer caso dia 1 di maart.Un claro indicacion cu e virus no ta bao control ainda.
Den comparacion cu e dos otro paisnan grandi den e region, Cuba y Puerto Rico, por mira e dferencia den avance di e propagacion na Republica Dominicana. Mientras pa dia 5 di mei e dos paisnan menciona hunto tabatin 3592 caso, Republica Dominicana tabatin 8235 caso oficial, mientras cu otro fuentenan ta menciona ademas e cifra di 8480. Dia 16 di april, menos di tres siman pasa, Republica Dominicana tabatin 53,8% di e total di caso oficial den Caribe. Ayera esaki a subi caba te na 59,2% (8235 di 13.907 caso).
