(Infobae) – Estimacion oficial ta indica un recuperacion progresivo despues cu actividad economico a mustra progreso sosteni den sector clave, den medio di scenario internacional compleho y variacion den indicador global.
Banco Central de la República Dominicana (BCRD) ta proyecta cu economia nacional lo alcansa un crecemento cerca di 4% den 2026, compara cu 2,1% registra na 2025, despues di varios aña di liderato den Latino America y Caribe, segun un comunicado publica riba portal institucional di e Banco Central.
Den un ambiente internacional marca door di incertitumbre, tension geopolitico y cambio den politica comercial y migratorio di Merca, economia Dominicano a registra na januari un aumento interanual di 3,5%, e figura mas halto den ultimo dies luna, segun dato publica dialuna door di BCRD.
E desempeño aki a ser impulsa principalmente door sector di construccion, cu a crece 7,6%; fabricacion local, cu a aumenta 3,4%; y servicio, cu a registra un rebote di 3,5%, lidera door di hotel, bar y restaurant, cu a expande 3,8%.
Banco Central a declara cu lo continua evalua evolucion di economia y lo adopta “accion necesario pa contribui na retoma gradual di caminda di crecemento di su potencial, semper cu tin espacio suficiente pa logra esaki sin afecta stabilidad di prijs, cu ta constitui mision fundamental di institucion.”
Desempeño economico di Republica Dominicana a ser clasifica como un di e mas solido den Caribe y Latino America, despues cu a ser reconoce door di World Bank durante un reunion di luna pasa na Palacio Nacional. Reunion, presidi door di Luis Abinader y representante di organismo internacional, a mustra cu crecemento sosteni, acompaña door di reduccion di pobresa y un sistema institucional robusto, a forma un modelo di desaroyo distingui den ultimo decadanan.
Segun Junta Directivo di World Bank, pais a mantene figura anual di crecemento superior na 5% pa mas cu trinta aña, constituyendo un referencia regional di stabilidad y progreso social.
Durante e intercambio, Marcos Chiliatto, miembro di Junta Directivo di World Bank, a enfatisa cu Republica Dominicana ta situa “entre e grupo chikito di pais cu a logra desempeño asina di manera sosteni.” Ademas, programanan di reduccion di pobresa y aumento salarial a acompaña agenda estatal, permitiendo consolida progreso den inclusion social.
Na final di luna pasa, delegacion di World Bank a evalua iniciativa den area strategico manera turismo, energia, banco comercial y promocion di empresa chikito y mediano. Diana Alarcon a describi preservacion di stabilidad macroeconomico y esfuerso contra pobresa como “hopi impresionante.” Tanto Alarcon como Chiliatto a subraya importancia di sigui inverti den infrastructura, educacion, energia y sistema di comunicacion, señalando cu e inversion nan aki ta “crucial pa mantene figura historico di crecemento entre 4% y 5%,” cifra cu a sirbi como motor pa reduccion di desigualdad den pais.
Un di e programanan evalua tabata Superate, enfoca riba fortalece empleo formal y capacitacion laboral. Agenda tambe a inclui revision di cooperacion cu organismo internacional manera Food and Agriculture Organisation (FAO). Trabao conhunto cu FAO a permiti reduci inseguridad alimenticio te nivel historicamente abao den aña reciente, segun representante di World Bank den e mes reunion.
