Home Deporte Resultado di campeonato nacional di Ahedres

Resultado di campeonato nacional di Ahedres

329

Durante di e 2 weekendnan cu ta tras di lomba, a tuma luga e tercer edicion di nos Campeonato Nacional.

Aki ta unda cu 10 participantenan pa e campeonato nacional cu a wordo selecta a base di invitacion ta:Jose (Chelo) Pesqueira, Octavio Croes, Angelo Franken, Brian Diaz, Hubert (Randy) Tromp, Enrique Jacopucci, Daniel E. Diaz, Ethan Croeze, Ilya Stetsenko y Alvin Howell. Esaki ta segun e cominicado cu nos a ricibi.

Tawata tin un empate entre e hoben Brian Diaz y Jose (Chelo) Pesqueira.
Na tur 2 a termina cu  6½ punto for di 9 partido.
Brian tawata tin mas punto di SB y a keda na prome luga. Brian a bira e tercer campeon nacional y lo haya e titulo di Nacional Master di Aruba.
Segundo luga a bay pa Jose (Chelo) Pesqueira.
Na di 3 luga, tambe tawata tin un empate entre Hubert (Randy) Tromp y Octavio Croes.
Nan tur 2, a termina cu 6 punto for di 9. Randy a keda na di 3 luga door cu e tin mas punto SB.

E weganan a wordo hunga den APFA Building na Seroe Blanco.
Federacion di ahedres di Aruba ta gradici e director di APFA, pa pone e cantine di APFA disponibel pa nos por a tene nos Campeonato Nacional den un ambiente diferente y mas espacioso. Federacion di ahedres a duna e director di APFA un recuerdo pa por a uza nan localidad pa tene e evenemento aki.
Nos kier a gradici ademas nos otro sponsornan Blue Lotus Holding, Comision di Subsidio y Lotto pa Deporte cu a financia e campeonato nacional aki.