Diariamente DVG ta publica un resumen, unda cu ta constata e desaroyo di COVID-19 aki na Aruba.
Den e resumen di awe, a publica cu tin un total di 124 caso nobo registra di COVID-19, di cual 40 no ta residente. Tambe tin 35 persona cu a recupera.
E cifranan aki ta representante di un tasa di positividad bao di nos residentenan di 22 porciento. Casonan activo di COVID-19 te cu awe ta di 460 y e cantidad di fayecidonan relaciona cu COVID-19 a mira un aumento na 181. Nos ta desea hopi forsa na e famia di e fayecido.
Datonan a ilustra cu e averahe semanal di casonan nobo di COVID-19 ta di 64 caso pa dia cu un averahe di tasa di positividad semanal di 20 porciento pa dia.
Na Aruba tin actualmente 7 persona interna debi na COVID-19, di cual tin 1 persona den unidad di cuido intensivo, tambe yama ICU, y 6 persona den piso general. Tin 6 persona den unidad di cuido intensivo di Colombia y ninguno (o) riba piso general na Colombia.
