2 feb – Prome accidente fatal
E prome accidente fatal di aña a tuma luga na luna di februrari unda cu hoben di 17 aña riba motocicleta a perde su bida na momento cu e tabata coriendo sin lus y un auto a sali su dilanti como cu e no a wak e.
5 feb – Skoa no por absorba gasto mas
Skoa a tene un conferencia di prensa den cual a informa cu pa 10 aña no tabatin aumento di subsidio. Despues di a absorba, awo e reserva ta bashi. Pues schoolgeld lo yuda cubri diferencia.
6 feb – Entrega manifesto na skoa
Grupo shete a entrega director di SKOA un manifesto pa reconsidera aumento di schoolgeld. Esaki ta keda decision di Skoa pero mirando cu e ta afecta publico general gobierno ta busca manera p intermedia
10 feb – Lek na WEB: daño no conoci ainda
Maske cu e director di WEB ta enfatisa cu e daño di e derame di azeta no ta grandi, e tin su efecto riba medio ambiente. Tin parha y pisca afecta y tambe e cost y e rif direccion Varadero. Cuanto azeta a lek den lama y pa cuanto tempo, ta algo cu meter investiga ainda.
13 feb – Tres polis ta bay prizon
Tres polis cu a abusa di nan poder ta bay prizon E catigonan duna ta varia ente 16 pa 18 luna. Hues ta haya nan culpabel di menasa un homber cu arma y drenta su cas sin permiso riba 16 maart 2013
14 feb – Natalee dera bou Marriott Hotel
Despues di basta tempo un declaracion ‘nobo’ den e caso di Natalee Holloway a capta atencion di prensa rond mundo. E Hulandes Jurriën de Jong a bisa den Algemeen Dagblad cu e tabata testigo momento cu Joran van der Sloot a dera Natalee bou e Spyglass Tower di Marriott na Aruba.
18 feb – Ta prematuro pa dicidi tocante mas medida
IMF a bisa cu gobierno mester bin cu mas medida. Gobierno ta wardando presupuesto 2015 y analisis di 2014 pa dicidi si mas medida ta necesario.
18 feb – Desmantelacion di Valero lo por cuminsa mita di aña
A pesar cu ainda no tin un acuerdo entre gobierno y Valero, lo por cuminsa cu entrega, desmantelacion y limpiesa di refineria pa mita di e aña aki caba.
19 feb – Lo bin solucion pa candela dump
Segun minister Mike de Meza, e aña aki lo bin solucion pa e candela riba dump na Parkietenbos. Lo sigui cu e proceso pa cera un acuerdo cu Ecogas, pa kima sushi pa traha gas cu ne. Tin hende cu ta cende candela riba dump, pero nunca ta wordo gara cometiendo e acto, pues nan no ta wordo castiga.
19 feb – Ainda basta comerciante cu no ta custumbra cu cobransa di BAZV
Servicio di Impuesto (SIAD) por a contesta hopi di e pregunta cu a surgi cu e introduccion di e impuesto nobo, esta BAZV destina pa fortalece e caha di AZV.
25 feb – Sero Colorado ta haya mas hotel
Segun e plannan cu minister di Turismo a presenta pa Camara di Comercio lo tin mas proyecto di hotel planea pa Sero Colorado, banda di esun di Bahia Principe. Esaki lo nifica mas o menos 2500 camber di hotel.
