Minister Guillfred Besaril (MEP)

Diabierna a tene un reunion cu Conseho di Minister di Reino (RMR) na unda cu nan a bay di acuerdo pa aplica articulo 23 di LAft.

Esaki ta nifica cu por desvia di e normanan manera ta poni den articulo 14 na momento cu e pais a experencia daño financiero cu a wordo ocasiona pa un susedido extraordinario. Articulo 14 ta stipula e normanan cu LAft ta ehecuta pa evalua e presupuesto di Pais Aruba. Esaki Minister Plenipotenciario Guillfred Besaril a declara na final di e reunion.

E mandatario a sigui bisa cu tambe a palabra den RMR cu lo bay studia e otro puntonan cu e paisnan a trece dilanti pa loke ta medidanan pa combati e crisis di e corona virus na Curaçao, St. Maarten y Aruba. Den cuadro di esaki Conseho di Minister di Reino lo tin un reunion extraordinario diaranson 1 di april.