Robbie Lottery cu peticion pa retira 178 empleado

WILLEMSTAD – Recientemente e comerciante Robbie Dos Santo a entrega peticion pa asina retira 178 empleado. Esaki ta despues cu Dos Santos intento pa tene e cuentanan bancario habri cu resultado envano.

E banco Maduro & Curiel’s a laga Dos Santos cay despues di ta su cliente pa 32 aña. Gerencia di e banco a bisa cu Dos Santo tabata tin te fin di maart ultimo y despues di esaki nan no kier ningun transaccion di Administratiekantoor Dollar NV ni di Robbie Dos Santos mas cerca nan, pero esaki a ser alarga te cu fin di april venidero.

Segun Banco Maduro, Robbie Dos Santos ta den negoshi di loteria y ta cay bou di e categoria di cuentanan di riesgo. For di april 1978, Dos Santos tabatin MCB Bank como su banco principal na unda e ta deposita cen y haci negoshi via di su cuentanan. Mayoria empleado di Dos Santos cu ta traha den loteria tambe ta cobra via di MCB. E “banco amigo” a manda bisa Dos Santos pa cera su cuentanan y busca otro alternativa.

Segun e abogado di Dos Santos den asuntonan civil, Bertie Braam a splica cu wega di number na Corsou ta un negoshi local cu ta wordo controla pa Fundacion Wega di Number Corsou. E abogado a mustra den corte cu MCB mester cumpli cu exigencianan di banconan internacional corespondiente y netamente esey awor aki tin e relacion cu Dos Santos den problema. Pero segun Braam, e banconan corespondiente no tin nada di haber cu transaccion nan local y pa tal motibo no tin rason pa cera cuenta di Dos Santos. Aparte di esey su cliente no ta partisipando den niun labamento di placa via di su negoshi. MCB a pone Dos Santos den un posicion dificil cu nan decision. Ta trata di e compania na Corsou Dollar Administratiekantoor cu ta bende loteria. Na St. Maarten e sucursal di MCB, Windward Islands Bank a haci mescos.

 

You May Also Like

Uruguay a confirma presencia di petroleo na su teritorio

E empresa Mericano Schuepnach Energy a informa cu nan a habri un perforacion exploratorio ...

Caribe: Reino Uni ta obliga Caribe Britanico mantene registro di ‘beneficial owner’

E teritorionan di ultramar Britanico (British Overseas Territories;BOT) lo ser obliga di haci e ...

Represion chavista a causa 5 morto y 538 deteni den dos siman di protesta

Despues di e fuerte control di forsa di siguridad di gobierno durante e manifestacionnan, ...

Bolivia: Oposicion lo bay OEA pa detene candidatura di Evo Morales

Oposicion Boliviano lo busca un accion di Organisacionnan di Estadonan Mericano (OEA), Corte Interamericano ...

Venezuela den teritorio di hiperinflacion pa prome biaha

Venezuela a registra e luna di october aki un inflacion di 50,6 %, comara ...

Gobierno di Brasil ta prohibi exporta gas lacrimogeno pa Venezuela

Gobierno Brasileño a para exportacion di gas lacrimogeno pa Venezuela di un empresa cu ...