(AP) – Mientras cu ciudadanonan na Paris recientemente a descubri e felicidad den landamento den e Riu Seine, e ciudadanonan di Amsterdam ta disfrutando di landa den e capital Hulandes su Ij pa varios aña.
Den un pais domina pa canal, Riu, entre otro, landamento ta den aumento na Hulanda mientras cambio di clima ta aumentando e temperaturanan y ta extende e temporada di zomer.
Amsterdam tabatin un solo sitio di landamento oficial den 2023. E zomer aki, e ciudad ta conta cu 13 opcion legal pa landa den canal of Riu, aunke recientemente frecuentemente ta bay decenas di sitio cu no ta oficial.
Cera di Ij, un cana cortico leu di e stacion di trein central di Amsterdam, e Marineterrein, un ex base usa pa unidad naval den añanan 1600, tin un di e sitionan oficial mas nobo.
Durante un atardi caluroso, e parkenan cercano ta yen di localnan ta landra, coy solo y relaha den sombra cu un replica di tamaño completo di Dutch East India Company su barco di carga cu ta para cerca. “Mi a mira un video riba Instagram unda por a mira diferente luga cu bo por bay pa landra y esaki tabata cerca pues mi di ‘perfecto, ban,’” Noortje Mol, ken a caba di sali for di awa a conta The Associated Press.
Na e sitionan aki no tin caminda pa bana di tampoco lifeguard y e area ta liber pa tur hende usa. E ex base tabata designa como un sitio pa natacion legal anteriormente e aña ki. Prome cu esey, e localnan tabata core riesgo di ricibi un boet di 200 euro.
E ciudad ta test e calidad di e awa regularmente y e resultado ta publica riba un website nacional.
“Hende ta kere cu e ta sushi, pero e no ta sushi mes,” Mike von Hutter di Argentina a comenta, mientras e tabata sinta riba un serbete.
E grupo di mainta trempan ta di edad mas halto y mas deportivo cu e grupo di atardi, Un muhe cu a bay core a kita su paña y a bay den awa, landando un paar di buelta prome cu el a bolbe bisti su paña y a sigui su caminda. “Tur mainta ta un show,” Myra de Rooy, di 68 aña a bisa, ken a cuminsa landa na e sitio durante e pandemia di coronavirus.
Varios area Hulandes ta permiti e asina yama ‘skinny dipping’ y algun lama nudista te hasta ta rekeri pa bo no tin pana bisti. Mientras cu bo mester tin paña pa landra bisti na e base naval, algun den e grupo di mainta no ta cumpli cu e regla aki.
Tin un area pa cambia di paña, de Rooy a splica, pero mainta ningun hende ta us’e.
A pesar di e expansion di e localidadnan legal pa landa, varios local toch ta drenta awa mas cerca di unda nan ta pa refresca.
Di otro banda di e ciudad, Hans, ken a nenga duna su fam pa motibo cu e tabata landra na un sitio cu no ta oficial, ta landra den un canal cerca di unda boto ta pasa.
“Mi ta landra tur dia y nunca mi a enkontra problema,” el a expresa.
