Awe, diaranson awor pa 7or y mey di anochi lo tin otro Rosario Bibo na Kapel di Alto Vista.
Na e ocasion aki lo resa pa tur patient di COVID 19 y nan famia pa pronto recuperacion y solidaridad. Tambe lo resa pa tur nos muchanan, grandi y chikito cu lo bay inicia un aña escolar nobo.
Pa nan tin exito na scol, pero tambe pa den e situacion di pandemia, nan ta solidario cu otro pa evita contagio. Lo resa tambe pa e mayornan y maestronan cu lo mester guia e muchanan.
Tur presente na e Rosario Bibo ta wordo invita pa sigui resa pa amor y paz reina den tur cas di famia na Aruba. Pa Aruba lo ta un berdadero Isla Feliz pa tur hende.
