ORANJESTAD – Siman pasa a tuma luga e caredanan di karting Aruba Sprint Cup2 riba pista di Bushira Karting. Na e careda aki a participa coredonan di nos isla ruman Corsou.
ester bisa cu e caredanan di point series ta tuma luga den tur pais rond mundo cu ta core cu e marca di karts SODI. Na final cada pais lo manda nan prome lugar di e point series pa e World finals. Mester bisa cu Aruba ta mandando Andre Tromp kende a gana e point series Sprint Cup aña pasa 2018 pa e SODI World Finals na Valencia, Spaña. Tambe lo bay un team di Endurance Cup, 4 coredo cu lo representa Aruba.
SWS Rond 2 tabata simplemente formidabel cu bon careda unda nos ta haya den Rookie un total di 14 piloto di cual 7 participante tabata di nos isla ruman Corsou den cual Aruba ta logra e prome luga cu Rudolfo Arends y Corsou ta bay cu e di dos y tres luga. Den e Mini Pro 60cc tabata tin 4 participante aki CJ Semeleer ta gana e competencia mientras e coredo femenino Diana Bueno ta keda na di dos luga y Haguen Orman a keda na di tres luga y na di 4 luga a keda Cheng. Esaki ta segun e fuente 297 Sports.
Den e categoria Mix unda a pone tur coredo den e mesun nivel di peso y aki tur Karts a pisa mesun hopi(a pone peso na Karts) cu a yega rond di 80 kg. Aki Nathan Richards a gana e prome luga.
