E ruman muhe di e icono di holocaust Hudiu, Anne Frank, lo bishita Aruba pronto.

Ta trata di Eva Schloss, kende den cuadro di e 75 aniversarionan di e liberacion di e campamento di concentracion y genocidio Nazi na Auschwitz lo bin Aruba. E lo bin invita pa e Sinagoga Chabad Aruba.

Durante un conferencia di prensa cu a conta cu presencia di Lisanne Coffy, Chaya Blasberg y su casa, e Rabbi Ahron di Sinagoga Chabad Aruba, nan a bin cu mas informacion tocante e charla educativo aki.

Eva Schloss.
Eva Schloss a yega di skirbi un buki tocante un historia di sobrevivencia relata na su ruman Anne. E ta un persona grandi di 90 aña kende ta biba na London (Inglatera), y no semper e ta gusta biaha. Pero e biaha aki a haci un excepcion, locual ta bira un privilegio cu Eva Schloss lo bin Aruba.

Bon Dia Aruba a haya sa cu un motibo importante cu a conduci pa Eva Schloss tuma e decision aki di bin Aruba, ta e monumento cu a wordo construi na honor di su ruman muhe Anne Frank riba Wilhelmina Park.

Charla educativo.
E ta un charla educacional pa publico en general, pero specialmente pa nos muchanan. E evento aki lo tuma luga dia 1 di maart venidero pa 7’or anochi na Hilton hotel. Prome Minister, Evelyn Wever-Croes lo habri e charla aki, caminda Schloss lo conta loke su famia a pasa aden durante holocaust y Segunda Guera Mundial.

For di 1885, Eva Schloss a dedica su mes riba e tarea di educa nos humanidad y specialmente nos futuro generacion tocante holocaust y paz global. P’esey pa studiantenan e ticket tin un prijs special.

LEAVE A REPLY

Please enter your comment!
Please enter your name here