E conocido presentado di Telearuba y tambe artista musical Ruben Trapenberg a fayece inespera.
Sr. Trapenberg recientemente a regresa for di Hulanda despues di tratamento contra cancer.
“Nos ta bek di Hulanda y tratamento a bai bon. E cancer ta bou control y bida ta sigui. Lastima cu mi a perde mi cel y no por a duna mas update detaya. Un Danki di curazon pa tur e oracionnan y atencion di boso tur; mi casa, yiunan, rumannan y famianan cu a yudami. En corto e salud awo ta bon Danki Dios!”, el a informa riba su Facebook riba 21 di mei.
Sr. Trapenberg a cuminsa traha bek. Sinembargo awe e noticia a drenta cu el a fayece.
