Rusia ta renegociando restructuracion di e debe di Venezuela, tanto den conversacion bilateral como den contacto dentro di e Club di Paris, asina ministro di Finanzas Ruso, Anton Siluanov, a anuncia.

“E coleganan di Venezuela a solicita e restructuracion. Nos ta trahando den e asunto, tanto den cuadro di Club di Paris, mediante contacto bilateral. Mi ta sigur cu nos ta bay yega na un decision satisfactorio pa ambos banda cu Venezuela,” Siluanov a bisa na periodista.

Na luna di augustus, e lider opositor Ruso, Alexei Navalni, a denuncia cu Kremlin ta financia e regimen di e presidente Venezolano, Nicolas Maduro, y cu no tin intencion di recupera e 8.800 miyon di dollar duna na credito na gobierno na Caracas.

Tocante e 2.800 miyon dollar cu Rusia a otorga Venezuela na 2011, cu segun e ultimo restructuracion aproba pa gobierno Ruso aña pasa, no lo cuminsa paga te cu aña 2019, Navalni a afirma cu e ta un hecho cu ministerio di Finanzas Ruso no lo recupera e placa aki.

E gigante petrolero estatal Ruso Rosneft tambe e transferi pa Venezuela 6.000 miyon dollar den concepto di adelanto pa suministro di petroleo Venezolano na e compania te cu 2019.