(NLTimes) – Military Intelligence and Security Service (MIVD) ta advirtiendo organisacionnan Hulandes cu Rusia ta purbando di obtene tecnologia y partinan necesario pa e guera na Ucrania pa medio di usa companianan.
Esaki por inclui microchip y partinan pa avionnan, un vocero di Ministerio di Defensa a confirma despues di un entrevista tocante e topico aki cu MIVD su president Jan Swillens a duna na Financieele Dagblad.
Pa causa di sancionnan internacional, Rusia ta enfrentando dificultad den obtene e tecnologia y partinan cu nan tin mester desesperadamente pa e lucha na Ucrania. Esaki ta e motibo dicon e pais su servicionan secreto ta purbando di logra esaki pa medio di crea companianan pa asina por haci compra for di organisacionnan Hulandes sin cu nan intencionnan ta conoci. Esaki eora ta ser hiba Rusia y usa den e pais pa propositonan militar.
Rusia ta particularmente interesa den productonan cu por ser usa den ambos uso civil y militar, manera partinan pa vehiculo, ekiponan di comunicacion y tecnologia maritimo. E vocero di defensa a bisa cu tin señal cu Rusia tambe ta tras di partinan di avionnan. Sancionnan internacional a pone break riba e entrega di cierto partinan den e pais, cual ta nifica cu hopi avionnan a permanece na tera. Partinan awo ta ser kita for di avionnan cu ta para pa asina permiti otro avionnan bula.
E industria Hulandes tin tempo caba alerta na Rusia su interes pa un tempo caba, sinembargo nan enfoke den e area aki a bira mas skerpi despues di e invasion na Crimea den aña 2014. El a bira mas intenso despues cu Moscu a ordena invasion di Ucrania den februari.
“”Mientras mas fuerte e sancionnan ta, mas dificil e ta bira ma servicionan secreto di Rusia, y mas inventivo nan mester bira pa evita e sancionnan,” vocero di defensa a expresa. Esaki ta dicon e ta “dificil” pa negoshinan of negociantenan ripara cu nan ta haciendo negoshi cu Rusia.
