Dialuna ultimo mainta na RWZI Bubali nos a bin encontra un situacion hopi fastioso unda cu un cantidad di scuma a bin aparece den nos planta di purificacion.
Ta asina cu ayera (diadomingo) e planta no tabata tin scuma. Esaki ta mustra cu awe un cantidad di awa di laundry of un otro kimico relaciona cu habon a wordo tira den e sistema di riool.
Ta bon pa remarca un bes mas cu nos planta na RWZI no ta funcionando optimal manera mester ta, pero e situacion akinan tampoco lo haciele miho.
Ta spera cu e incidente lamentabel akinan bira un señal na tur cu nan mester hiba un maneho cu ta cumpli cu ley y reglanan y pa esaki no sosode mas.
