Te cu awe, Aruba ta experienciando un ola di calor, y e advertencia di calor pa cu esaki ta na vigor awe, diamars 6 di juni.

Ta spera cu e temperatura halto pa awe ta entre 34 pa 36 grado Celsius cu humedad den 80 y 90. Esaki ta nifica cu e temperatura aparente (heat index value) ta bay ta entre 40 pa 45 grado.

E calor y humedad ta bay continua den anochi cu temperatura kedando rond di 27 pa 28 grado Celsius. Esaki ta crea un peliger pa hende cu no por haya un manera pa alivia e calor.

Calor excesivo ta e causa principal di morto relaciona cu clima. Hende mester ta prepara pa e peliger cu calor excesivo ta representa. Mucha chikito, adultonan mayor y esnan cu malesa of condicion di curason ta carga e mayor riesgo.

Sa e diferencia entre cansancio pa calor (heat exhaustion) y insolacion (heat stroke)

E sintomanan pa cansancio pa calor ta inclui dolor di cabes; mareo of cay flauw; sodamento pisa; cuero friu, blanco of sticky; nausea of sacamento; pulso lihe y zwak; debilidad of cramp di musculo; y sed excesivo.

E sintomanan di isolacion, cual ta un emergencia medico, ta inclui dolor di cabes; confusion of delirio; bay for di tino; no tin sodamento/ cuero ta seco; cuero cayente, cora; nausea of sacamento; curason ta bati lihe; temperatura den curpa riba 104F.

Den caso cu un persona ta sufri cansancio pa calor, por hidrata nan cu awa of sports drink y evita alcohol. Move na un lugar mas fresco cu airco. Drumi abao. Si ta consciente, bebe awa poco poco. Dal un baƱo friu of pone paƱa friu riba e curpa. Si e sacamento ta continua, busca atencion medico. Retira paƱa preta of capanan adicional di paƱa. Actua rapidamente, ya cu cansancio pa calor por conduci na insolacion.

Si ta sufri di insolacion, yama 911 inmediatamente ya cu ta trata di un emergencia medico. Move e persona na un lugar mas fresco. Usa paƱa friu pa reduci temperatura den e curpa. No duna likido.

Peliger di calor pa mascota

Protege nos mascotanan for di ola di calor ta crucial pa nan bienestar. Aki algun tip pa tene cacho y pushi safe durante calor:
Duna hopi awa fresco y limpi, laga esaki ta disponible na tur momento. Check e baki awa regularmente y yena esaki cada biaha cu ta necesario. Considera pone varios baki cu awa den diferente area di cas y cura.

Crea un ambiente fresco: sigura cu e mascota tin un area fresco den sombra pa refresca. Tene nan paden, preferiblemente den airco, of al menos un espacio bon ventila. Si e mester keda pafo, percura pa tin sombra.

Evita superficienan cayente. Asfalt y concret por bira hopi cayente y kima nan pata. Purba saca nan den oranan mas friu, manera trempan mainta of anochi.

Nunca laga mascota den auto, hasta cu bentana habri, temperatura den un auto por eleva rapidamente conduciendo na insolacion of morto. No laga nan den auto ni pa un tempo cortico.

Limita actividad pafo, reduci nan actividad fisico y ehercicio.

Usa tecnicanan di friamento, door di ofrece cooling mat, serbete muha cu awa friu pa drumi riba dje, of usa fan pa circula aire den nan espacio.

Keda vigilante pa seƱalnan di problema: siƱa e seƱalnan di cansancio di calor of insolacion den mascota, manera hala rosea excesivamente rapido, baba, curason ta bati lihe, no ta move, sacamento, of collapse. Si bo ta nota un di e sintomanan aki, busca atencion veterinario inmediato.

Ta esencial pa monitor bo mascotanan di cerca durante e temporada cayente y tuma medidanan necesario di precaucion pa sigura cu nan ta safe y comfortable.