IMG_0674.JPG

ORANJESTAD – Diabierna mainta algun director di islanan Caribense a reuni na Aruba International Film Festival pa discuti tocante e retonan cu nan tin como director di un isla, den un area cu no tin hopi fama manera Hollywood y cu un prespuesto abou tambe.

Nan ta bisa cu e reto mas grandi ta pa haya e renombracion di nan pelicula. Pasobra hopi di nan isla no ta duna e sosten pa saca e nomber di e director international of no ta reconoce e pelicula mes manera un di importancia. Enbes di pasa peliculanan na cinema cu ta solamente di nombernan grandi den pelicula, por opta pa pasa peliculanan den un sala dedica solamente na directornan Caribense, y comparti esaki den henter Caribe hunto pa yuda otro crece mas. Nan ta pidi e Caribbean Cinemas cu tin cinema na mas pais Caribense pa sostene e idea aki. 

Traha hunto
Algun di e paisnan presente tabata Puerto Rico, Anguila, Barbados y Martinique. A termina e discussion cu preguntanan di e publico presente cu a duna comentario cu mester tin mas ‘team work’ di e islanan den Caribe, pero cu tambe como director biniendo fe un isla bo tin cu uni bo hende nan hunto, incluyendo nan tambe den bo projecto. Un di e directornan di Barbados a comenta cu e ta opta pa tuma hendenan di Barbados mes pa yude cu su peliculanan, siƱndo nan tur cos, dunando nan experiencia. Den un manera asina bo ta trece union den bo isla y pa asina hunto bo sinti cu bo kier sigi crece y hiba e isla y su talentonan local dilanti. 

 

LEAVE A REPLY

Please enter your comment!
Please enter your name here