(AP) – CEO di OpenAI Sam Altman a adverti e industria financiero di un “crisis significante di fraude na porta” a causa di e habilidad di hermentnan di inteligencia artificial cu por impersona un persona su bos pa pasa e evaluacionnan di seguridad y move placa.
Altman a papia na e conferencia di Federal Reserve diamars na Washington. “Algo cu ta duna’mi hopi miedo ta cu aparentemente te ainda tin institucion financiero cu lo acepta bos como un forma di verificacion,” Altman a bisa. “Esey ta algo loco pa haci te ainda. AI a completamente derota esaki.”
‘Voiceprinting’ ta un identificaicon pa clientenan rico di banconan cu a bira popular mas di un decada atras, cu clientenan tipicamente pidi pa bisa un frase den telefon pa ricibi acceso na nan cuentanan. Sinembargo awo AI ta crea clon di bos, y eventualmente clon di video, cu por impersona persona den un manera cu Altman ta bisa ta “cada biaha mas dificil pa distingui e clon cu realidad” y lo rekeri metodonan nobo pa verificacion.
“Esaki por ta algo cu nos por cuminsa pensa pa bira partner,” Vice Presidente federal pa Supervision Michelle Bowman, e regulador financiero top di banco central y cu tabata anfitrion di e dialogo cu Altman a comenta.
